Nagboses sa bida sa Netflix show… HIRIT NG NETIZENS: LIZA, WALANG KABUHAY-BUHAY

ni Vinia Vivar - @Frankly Speaking | June 16, 2021

Mixed reactions ang natanggap ni Liza Soberano mula sa mga netizens sa pagsasaboses niya sa karakter ni Alexandra Trese sa Netflix animated series na Trese.

May pumupuri sa naging performance ng aktres at meron din namang hindi nasisiyahan.

Isa sa mga negative comments ay monotonous daw si Liza at hindi rin nila nagustuhan ang pagta-Tagalog nito.

Pero marami rin naman ang nagsabi that Liza did a good job lalo na nga’t first timer siya sa ganitong trabaho.

Ayon sa manager ni Liza na si Ogie Diaz, inirerespeto nila ang mga opinyon ng viewers ke negative or positive pa. At sey nga niya, sadyang you cannot please everybody.

“Kung may hindi nakagusto sa boses ni Liza, eh, opinyon nila ‘yun. Kung paanong may opinyon din naman ang iba. Kung nagandahan sila sa performance ng tinig ni Liza Soberano, eh, di maraming salamat.

“Sa mga hindi, wala rin naman tayong magagawa. Opinyon n’yo ‘yun,” pahayag ni Ogie sa YouTube vlog nila ni Mama Loi.

At hindi raw nag-audition si Liza sa Trese kundi handpicked siya talaga at very happy daw ang Netflix sa performance ni Liza.

“Siya po ang first choice bilang Alexandra Trese. Marami pa kaming dinaanan bago natuloy ito. Kung alam mo lang.

“Pero naramdaman namin sa mga staff ng Netflix, ay, grabe ang pagmamahal nila kay Liza. Sobra! Lahat sila, natuwa sa aming Viber group, natuwa sila sa naging performance ni Liza at hindi raw sila nagkamali na kinuha nila si Liza Soberano,” sey ni Ogie.