Nag-party muna at nag-enjoy si Eala habang free time

by Gerard Arce @Sports News | August 13, 2026

Photo: Nag-post sa kanyang socmed page si Filipina tennis star Alex Eala kasama si American tennis star Coco Gauff na may caption na “rush hour?” na nagpa-party at nage-enjoy sa labas ng court habang hinihintay ang schedule ng laro ng Pinay sa Cincinnati Open at semifinalist naman si Gauff si Canadian Open. (ealatiktok)

Kinailangan muna ni Filipina tennis star Alexandra “Alex” Eala ang mag-relaks bago sumabak sa matinding bakbakan sa 2026 Cincinnati Open na kinabibilangan ng mga bigating Top-10 players sa Women’s Tennis Association (WTA) rankings.

Kasunod ng 4th round exit sa (WTA) 1000 sa National Bank Open sa Toronto, minabuti muna ng 21-anyos na lefty hitter ang magliwaliw at mag-enjoy sa  siyudad at sakaling magtagumpay sa mga unang laban ay makakaharap niya sina World No. 10 Amanda Anisimova ng US sa 3rd round at Wimbledon Open 2026 titlist Linda Noskova sa 4th round.

Nakipag-party muna at nagsaya si Eala kasama si World No.4 at Toronto Open semifinalist Coco Gauff na parehong nag-post sa kani-kanilang social media habang ine-enjoy ang free time. “Seeing @cocogauff and @alex.eala enjoying some downtime together in Toronto is honestly so special,” ayon sa Instagram fan page ni Eala. “They’re friends both on and off the court, and you can really see the genuine respect, care, and support they have for each other. Love seeing this kind of friendship beyond the competition!”

Pagsampa sa Cincinnati Open ay haharapin ni Eala ang magwawagi kina Elena-Gabriela Ruse ng Romania at mahigpit na katapat ni Eala na si Magda Linette ng Poland sa 2nd round.