Eala wagi kay Rybakina swak sa WTA 500 Q'finals

by MC @Sports News | June 11, 2026

Photo: Pasok sa quarterfinals ng WTA 500 Berlin Open si Alex Eala nang pataubin sa round-of-16 si Elena Rybakina. (wtapix) 

Pasok na sa quarterfinals ang Filipina wildcard tennis ace na si Alex Eala nang magwagi sa pinakamalaking upset ng kanyang career at gitlain si world no. 2 Elena Rybakina ng Kazakhstan sa Round-of-16 ng WTA 500 Berlin Open kahapon ng madaling araw.  

Malakas na sinimulan ni Eala ang opening set upang gitlain ang dating Wimbledon champion at tuluyang nang umabanse sa quarterfinals kung saan niya makakaharap si Elina Svitolina ng Ukraine. Bumanat agad si Rybakina ng malalakas na aces sa first game pero nakaresponde si Eala ng sariling lakas na service game para makabalikwas sa 0-30 at ipatas sa 1-1 ang set.  

Anim na sunod na aces ang binanatan ni Rybakina para sa commanding 4-1 lead, tila kakalas ang set sa  Filipina star, pero hindi nagpatinag si Eala.  Agresibo ang sumunod na aksiyon, nanatiling relaks sa palitan ng bola hanggang sa idikit niya sa 4-3 ang set hanggang sa tumabla sa 4-4.

Muling lumamang si Rybakina sa 5-4 pero itinabla ni Eala sa 5-5 sa bisa ng big serve.  Giniba ni Eala ang serve ni Rybakina sa 6-5 at isinara sa 7-5.   Nagpatuloy ang momentum kay Eala hanggang 2nd set para bigyan ng 30 unforced errors si Rybakina.

Lumaban pa ang world no. 2 at pinilit idikit ang gap, pero nagpakatatag si Eala sa kanyang mga service at tuluyang itinarak ang straight-sets victory, 7-5, 6-4.

"I am a little foggy right now,"ani Eala sa post match interview. "I'm still shaking — and I was shaking at match point, too. But I'm really happy with the day. It could have gone either way. I think there were really tight moments in both sets and, of course, she's an amazing player. She's the one to beat. So I'm happy to have been able to share the court with her again."  

Eala champ 'di pinakawalan ang tropeo sa ika-2 WTA 125

by Gerard Arce @Sports News | June 9, 2026

Photo: Nasungkit sa ika-2 pagkakataon ni Pinay tennis sensation Alex Eala ang WTA 125 trophy nang magkampeon sa Lexus Birmingham Open. (philtafbpix) 

Tinapos ni Filipina tennis star Alexandra “Alex” Eala ang 13-sunod na pagkatalo sa mga Czechian players nang payukuin si Nikola Bartůňková tungo sa 5-7, 6-3, 7-5 upang mapagwagian ang ikalawang Women’s Tennis Association (WTA) 125 trophy at kauna-unahan sa grass tournament sa Lexus Birmingham Open sa United Kingdom.

Umangat mula sa unang set na pagkabigo ang 21-anyos na lefty upang mapuwersa ang deciding set upang makamit ang unang titulo ngayong season at matuldukan ang mahabang listahan ng pagkabigo sa mga manlalaro mula Czech Republic at masundan ang korona na nakuha sa 2025 Guadalajara Open sa Mexico noong Setyembre 2025.

Naging malaking tinik sa lalamunan ni Eala ang mga Czechian players na kinabibilangan nina Karolina Muchova, na nakalaro sa round-of-16 ng 2026 Miami Open; Linda Noskova (Indian Wells Open); Tereza Valentova (Doha at Osaka Open); Marketa Vondrousova (Montreal); Barbora Krejcikova (Wimbledon); Linda Fruhvirtova (Birmingham); Marie Bouzkova (Jiujiang at Guadalajara); Katerina Siniakova (Wuhan); Tereza Martincova (ITF Slovakia); at Gabriela Knutson (W60 Nantes).  “I think details made the difference in the end. In matches like this, it often comes down to small details, [and] I was lucky enough to have put enough intensity in and won the important moments. It made a difference when I was able to find my footing and become more aggressive,” pahayag ni Eala.

“There were so many difficult moments in this match and it was one of those that anyone could win, so I’m really happy with how I performed in the important points,”

Minsang nagkasama sina Eala at Bartůňková bilang magkakampi sa Birmingham Classic, ngunit nabigo sa tambalan nina Harriet Dart at Maia Lumsden ng Great Britain sa iskor na 4-6, 6-2, 9-11, habang nakatakdang sumabak muli sa torneo ang Pinay sa HSBC Championships sa Queen's Club sa London, England.

Eala pinataob si Charaeva, pasok sa Birmingham QF

ni Gab Sumaria (OJT) @Sports | June 6, 2026

Photo: Bakbakan sa qfinals kagabi ng 10 p.m. PHL time sina Alex Eala at Thailander Mananchaya Sawangkaew sa Birmingham Open.

Nagpakitang-giaas si Pinay tennis sensation Alex Eala matapos pataubin ang Russian na si Alina Charaeva, 6-2, 7-5 upang umabante sa quarterfinals ng 2026 WTA 125 Birmingham Open kamakalawa ng hatinggabi. 

Hindi natinag ang top-seed na si Eala sa kabila ng matinding hamon sa ikalawang set kung saan nabaon siya sa 2-5 iskor.  Sa halip na bumigay, nagpakawala ang Filipina ace ng limang magkakasunod na set wins upang kumpletuhin ang impresibong comeback at tuluyang dispatsahin si Charaeva sa Round-of-16 show down.

Mabilis na inangkin ni Eala ang kontrol sa unang set at dominahin ang Russian netter, 6-2, sa agresibong pag-atake sa grass court ng Birmingham. Ngunit hindi naging madali ang ikalawang yugto nang makalamang si Charaeva ng 3 puntos, 5-2. 

Gayunman, ipinakita ni Eala ang  tikas at rumatsada upang tapusin ang set sa 7-5 at selyuhan ang panalo. Muling nagkrus ang landas nina Eala at Charaeva mula sa unang WTA Philippine Women's Open, kung saan nagwagi rin ang Pinay. 

Patuloy si Eala sa pagpapakitang-gilas sa Birmingham sa kabila ng bumabang ranking sa Women's Tennis Association (WTA) noong nakaraang buwan matapos maabot ang career-high na World No. 29 at ngayon ay nasa No. 37 sa mundo. Gayunpaman, malinaw na hindi naging hadlang ang ranking slide upang ipagpatuloy ang matikas na kampanya sa international stage.

Mas lalo pang gumanda ang balita para sa kampo ni Eala matapos siyang umangat sa main draw ng prestihiyosong WTA 500 HSBC Championships sa Queen's Club sa London. Nakuha niya ang puwesto kasunod ng pag-atras ng mga Amerikanang sina Jessica Pegula at Hailey Baptiste dahil sa injury. Matapos ang laro sa Birmingham, agad na sasabak si Eala sa Queen's Club Championships mula Hunyo 8 hanggang 14 at haharap siya sa ilan sa pinakamalalaking pangalan sa women's tennis.