Eala umiyak man matapos ang Jovic match, hindi naman luhaan sa kikitain

by Gerard Arce @Sports News | September 6, 2026

Photo: Pasimpleng nagpahid ng kanyang luha si Alex Eala palabas ng court matapos talunin ni Iva Jovic sa 3rd round ng US Open. (mytvcebu)

Nagtapos na ang kampanya ni Filipina tennis ace Alexandra “Alex” Eala sa huling Grand Slam tournament ngayong taon na 2026 US Open Championship – bagaman umuwing napaluha sa third set pagkatalo sa round of 32 kontra ‘sisteraka’ Iva Jovic ng US – hindi uuwing luhaan pagdating sa papremyo ang Pinay star sa mahigit sa $290,000 o mahigit P18 milyon.

Nasaksihan ang jampacked crowd sa ikatlong pagkakataon sa pamosong Arthur Ashe Stadium sa USTA Billie Jean King National Tennis Center sa Queens, New York City ng mga fans at supporter’s ng 21-anyos na lefty swinger na nakamit ang kanyang pinakamataas na pagtatapos sa US Open, matapos malampasan ang second round exit noong nagdaang edisyon.

Bukod sa nakamit na papremyo sa women’s singles event ay nauna na ring kumubra ang World No.18 WTA ranked ng karagdagang $40,000 o mahigit sa P2.5 milyon kahati ang katambal na si ATP World No.4 Felix Auger-Aliassime ng Canada sa first round exit ng mixed doubles sa naturang tennis event.

Dahil sa panibagong papremyo sa US Open, panigurong madaragdgan ang kabuuang earnings ng 17th seed sa kanyang karera ngayong 2026, kabilang ang $252,000 na panalo sa kampeonato ng 2026 Mubadala DC Citi Open. Tinatayang aabot mula sa pagitan ng $6 million hanggang $7 million ang kinita nito, ayon sa ilang online reports, kabilang ang ilang mga commercial at sponsorship earnings, habang pagdating sa laro ay pumapalo sa mahigit sa $3 milyon ang kinit anito.

Isa sa mga kadahilanan upang makita ng head of client representation at WME Sports and IMG Tennis na si Max Eisenbud ang malaking pagsirit ng antas ni Eala sa taong 2027, na maging ikalawang ‘highest-paid’ athlete sa buong mundo.

"I feel very confident that by 2027, she will be the second-highest-paid female athlete in the world, behind Coco [Gauff]," pahayag ni Eisenbud sa panayam ng Forbes. Kabilang sa kanyang mga naitatag nang partnership para sa mga endorsement ang Nike, Babolat, Globe Telecom, Bank of the Philippine Islands, Locally, at Milo, kung saan ang ilan sa mga ito ay nagsimula pa noong nakaraang mga taon.

Kinuha ng Globe si Eala bilang ambassador noong siya ay walong taong gulang pa lamang. Sinusuportahan siya ng Babolat mula pa noong kanyang junior career, kinuha siya ng Nike noong 2019, at isinama naman siya ng BPI noong 2022. Kinuha ng Locally si Eala noong 2025, habang ginawa naman siyang brand ambassador ng Milo noong Pebrero 2026.

Iba rin umano ang hatak nito sa mga fans, lalo na sa mga Filipino, maging sa ibang lahi, na tila ito ang ‘female counterpart’ ng nag-iisang eight division boxing champion Manny “Pacman” Pacquiao, sa tuwing naglalaro sa ibang bansa, higit na sa Estados Unidos. Gayunman, malayo pa si Eala sa kapasidad at kinikita ng tinaguriang ‘Pambansang Kamao’ na si Pacman, na pumaldo ng husto sa mga pay-per-view fights at milyon-milyon na kinikita kada laro, kabilang ang $130 milyon na payday kontra sa historical match laban kay Floyd “Money” Mayweather noong Mayo 2015.

Patuloy ang agawan ng pinakamahuhusay na tennis players sa buong mundo na puntiryang makuha ang tumataginting na $5.5 milyon o mahigit sa P339 milyon para sa women’s singles champion.

Nakalaan rin ang malaking halaga sa makakapasok sa fourth round o round of 16 sa $480,000 o mahigit sa P30 milyon, na susundan ng quarterfinalists sa $780,000 o mahigit sa P48.9 milyon, habang ang semifinalists ay makakakuha ng $1,450,000 o mahigit sa P90 milyon at ang runner-up ay kukubra ng $2.8 milyon o nakakalulang mahigit sa P175 milyon.

Eala at Jovic, masusubukan ang 'sisterhood' sa krusyal na laban sa US Open 3rd round

by Gerard Arce @Sports News | September 5, 2026

Photo: Alex Eala Jovic / Circulated

"Talu-talo muna, sister!” Tila ito ang pakiramdam ng malapit na magkaibigang sina Filipina tennis titlist Alexandra “Alex” Eala at American rising Iva Jovic sa hindi maiiwasang muling pagtatapat sa third round ng prestihiyosong Grand Slam tourney na 2026 US Open Championship Linggo ng umaga (oras sa Pilipinas) sa 23,771 seating-capacity na Arthur Ashe Stadium sa USTA Billie Jean King National Tennis Center sa Queens, New York City.

Matatandaang masayang nagtapos sa 3-6 ang iskor pabor kay Jovic sa nagdaang “Stars of the Open” bago ang pormal na pagbubukas ng huling Grand Slam tourney ng taon, kung saan dinaluhan ng libo-libong tagahanga ng tinaguriang ‘Eala-Mania’ o ‘Barangay Eala’ upang masilayan ang dalawang tanyag na manlalaro ng Women’s Tennis Association (WTA).

“Sisterhood and just having friends on tour has helped me so much off the court, on the court. I think the friends that I have I really admire for what they've been through and what they go through,” wika ni Eala sa US Open article, na hanap ang unang panalo kontra sa ka-tropa.

“Specifically referring to Iva, yes, she's an amazing player. Young, very talented, and very intelligent. Of course, she's a high-ranked player and very accomplished. I've encountered my fair share of challenges against her this year. All I can do is give my best and try to do everything that I can to win.” Tangan ng 18-anyos na Amerikana ang 2-0 bentahe sa two-time WTA 125 titlist matapos magkasagupa sa dalawang singles match sa first round ng 2026 French Open sa iskor na 4-6, 2-6, at sa round-of-16 ng HSBC Championships na pumabor muli sa US player sa 2-6, 2-6.

Nagawa na ring magsama ng dalawa sa women’s doubles sa Indian Wells Masters sa round of 32 at ASB Classic na umabot naman sa semifinals. Subalit sapol ng mapanalunan ni Eala ang WTA 500 Mubadala Citi DC Open, kung saan kinakitaan ito ng malaking pagbabago sa kanyang mga laro, gayundin ang hindi pa pagsasalubong ng landas sa hard-court, maaaring mag-iba ang ihip ng hangin, na posibleng pumabor sa 21-anyos na Pinay lefty hitter.

“Obviously, it’s very difficult to be friends and also compete. But there are quite a few people, especially the younger players, who are very open to it. They want to have a good time and build friendships,” pahayag ni Jovic “Then, on the court, its fair game, winner takes all — we go for it. Alex is definitely one of those people where we both put it aside, and we have a great connection.”

Bagaman maituturing na matibay ang pagkakaibigan nina Eala at Jovic, masusubok ang tatag nito para sa pagkakataong makausad sa fourth round o round of 16, na magbibigay ng karapatan para harapin ang mananaig kina Spaniard Cristina Bucsa dating Grand Slam champion at fourth seed na si Coco Gauff ng US.

Gayunpaman, sa pagkakataong ito, tanging isa lamang ang uusad at isa naman ang magtatapos ang kampanya, na magpapatuloy ng karera sa pagpuntirya sa pagkamit sa tumataginting na $5.5 milyon o mahigit sa P339 milyon at 2,000 ranking points para sa women’s singles champion.

Sure na sa P18-M si Eala pagtuntong ng US Open 3rd Rnd

by Gerard Arce @Sports News | September 4, 2026

Photo: Alex Eala Fans

Nakasisigurong kukubra ng mahigit sa P18 milyon o $290,000 si World No. 18 Alex Eala sa pagtuntong sa third round ng 2026 US Open Championship kasunod ng pagdispatsa kay Ukrainian tennis player Oleksandra Oliynykova para maitakda ang panibagong harapan sa tropang si Iva Jovic ng US na inaasahang gaganapin muli sa Louis Armstrong Stadium sa USTA Billie Jean King National Tennis Center sa Queens, New York City.

Nauna ng kumubra ng karagdagang $40,000 o mahigit sa P2.5 milyon ang two-time WTA 125 titlists at WTA 500 Mubadala DC Citi Open champion na kahati ang katambal na si ATP World No.4 Felix Auger-Aliassime ng Canada sa first round exit ng mixed doubles sa US Open.

Bigatin ang pa-premyo ngayong taon kasunod ng pagtala ng pinakamalaking papremyo sa kasaysayan ng torneo matapos umangat ng 20% ang kabuuang papremyo mula sa nagdaang edisyon, kung saan tumaas din ng 10% ang cash prize noong isang taon.

Patuloy ang agawan ng pinakamahuhusay na tennis players sa buong mundo na puntiryang makuha ang tumataginting na $5.5 milyon o mahigit sa P339 milyon para sa women’s singles champion.

Nakalaan din ang malaking halaga sa makakapasok sa fourth round o round of 16 sa $480,000 o mahigit sa P30 milyon, na susundan ng quarterfinalists sa $780,000 o mahigit sa P48.9 milyon, habang ang semifinalists ay makakakuha ng $1,450,000 o mahigit sa P90 milyon at ang runner-up ay kukubra ng $2.8 milyon o nakakalulang mahigit sa P175 milyon.

Maging ang mga kalahok sa unang round ng singles ay may naiuwing $140,000 o mahigit sa P8.6 milyon, kasama na rin sa compensation package ang isang bagong Player Support Program na may panimulang pondong $2 milyon para sa 2026, na hahatiin nang pantay sa pagitan ng mga lalaki at babaeng manlalaro.