Obiena naka-gold, hari pa rin ng Asian Games men's pole vault

by MC @Sports News | September 30, 2026

Photo: Nasungkit ni EJ Obiena ng kanyang pangalawang sunod na gintong medalya sa Asian Games men's pole vault upang maihatid ang ikatlong ginto ng Pilipinas sa Aichi-Nagoya. (pocmedia)

Matagumpay na naipagtanggol ni Ernest John "EJ" Obiena ang kanyang titulo sa men's pole vault sa 2026 Asian Games sa Nagoya, Japan na naghatid ng ikatlong gintong medalya ng Pilipinas sa quadrennial games.

Ang tagumpay ay nagbigay kay Obiena ng magkasunod na gintong medalya sa Asian Games, matapos ang unang gold sa Hangzhou 2023.

Muling umangat ang defending champion sa kompetisyon nang malundag ang 5.91m at maitala ang bagong rekord sa Asian Games at winasak ang sariling 5.90m na marka mula sa Hangzhou.

Nakuha na ni Obiena ang ginto sa kanyang 5.75m clearance bago pa tumaas ang lundag at muling nagtala ng rekord.

Hawak din niya ang rekord sa Asya na 6.00 metro. Ang Pilipinas ay may 3 nang gintong medalya, 3 pilak at 12 tanso para sa kabuuang 18 medalya hanggang alas-8 ng gabi, Martes.