Nabili ng P388 M, for sale ngayon… MANSION NI PACQUIAO SA FORBES PARK, P2.3 B NA!

ni Janiz Navida @Showbiz Special | November 21, 2021

For sale pa rin pala at hindi pa naibebenta ang Forbes Park mansion sa Makati nina Sen. Manny at Jinkee Pacquiao.

Nasa listahan ng properties for sale sa Presello.com ang Zen-inspired luxury mansion na 2,000 square meter lot at may 5 bedrooms, 7 bathrooms at super-gandang pool area at garden.

Take note kung magkano ang selling price ng naturang mansiyon… P2.3 billion lang naman!

Yes, mga Marites, you heard it right, P2.3 billion and not just million, 'no!

Kung 'di kami nagkakamali, ito 'yung dating ibinebenta ng worth P708 million nu'ng year 2014 dahil inireklamo nga ang mga Pacquiao ng kanilang mga shalang (read: sosyal) neighborhood dahil sa kanilang mga bisitang 'dukha' (maka-dukha naman, awww!).

Pero nu'ng una nilang nabili ang property, P388 million lang (wow, maka-lang, ha?!) ito, at ipina-renovate na nga lang kaya malamang, malaki rin ang ginastos nila.

But still, ha, kung mabibili ang Forbes Park mansion ni Sen. Manny, ang laking pera nu'n lalo't may bali-balita ngang malaki na raw ang nawawala sa kaban ng yaman ng pamilya Pacquiao.

Ay, naku, kung may pera lang kami, bibilhin talaga namin… ang mga halaman ni Jinkee Pacquiao! Char!

Pang-halaman lang ang budget ni Ateng! Baka nga can't afford pa rin sa mga shalang halaman ni Madam Jinkee! Hahaha!