Na-trauma raw pati mga nadamay… HERO, NAG-POSITIVE SA COVID, NAGPA-TEST ULI SA LOOB NG 1 ARAW,

NEGATIVE NA

ni Julie Bonifacio - @Winner | August 03, 2021

Nawindang si Hero Angeles sa kakaibang karanasan paglabas ng resulta ng COVID-19 test niya.

Ibinahagi ni Hero sa kanyang Instagram na few weeks ago ay nag-positive siya sa COVID-19.

“Nakakagulat at nakakapagtaka. Napatanong na lang ako sa sarili ko, 'Totoo ba to?'” panimula ni Hero sa caption ng kanyang IG post.

Kuwento ni Hero, naimbitahan daw siya sa isang out of town vacation with his friends. Lahat daw sila ay excited dahil allowed na mag-travel kahit pandemic.

“We had our RT-PCR swab test few days before our flight. The results came the next day. They all got a negative result and mine's a positive,” pagpapatuloy ni Hero.

Dahil sa labis na pag-aalala, agad ipina-test ni Hero ang kanyang mga kaibigan within 24 hours.

“Parang huminto ang mundo ko that time dahil 'di naman ako lumalabas ng bahay kung 'di importante. Napaisip ako kung paano ko nakuha ang virus.

"I got worried too dahil may mga kasama ako sa house na seniors, with comorbidities, and I have hyperthyroidism. We immediately took RT-PCR swab test at home from a different lab company and our results were all negative,” himutok ni Hero.

Pero kahit nag-negative na ang result ng COVID test ni Hero, kinansela na rin niya ang kanilang trip.

“I just got confused with my results. From positive, naging negative agad sa loob lang ng 24 hrs. Is that even possible? We talked to the laboratories na nag-perform ng tests ko and sabi nila, depende raw 'yun sa test kit na ginagamit. 'Di ko na tuloy alam kung anong kit ba ang mas accurate talaga,” nalilitong sabi pa ni Hero.

Sa kabila nito, thankful pa rin si Hero sa Diyos dahil nag-negative silang lahat at wala isa man sa kanila ang may sintomas ng COVID-19 virus.

“But at the same time, I am really sorry that this happened. Sorry po sa lahat ng close contact ko na nadamay. Sa mga nangamba at natakot. Sa mga trabaho na naabala. Sa mga special events na na-cancel at 'di na-attend-an. At sa trauma na na-experience ng lahat.”

At sa pangyayaring ito, na-realize raw ni Hero, "That life is really short but full of surprises.

“We need to take good care of our health. We need to have a strong support system. We need to be more sensitive and strong for ourselves and others. It was really depressing but this incident strengthened my faith.

“I even thanked God for this dahil mas naging aware ako sa maraming bagay.

“Gusto ko lang ding magpasalamat sa aming LGU, contact tracers at mga taong nangumusta during and after our quarantine period. Na-appreciate ko po ang inyong suporta at pagmamahal,” lahad pa niya.