VILMA, NAUNAHAN NI NORA BILANG NATIONAL ARTIST, KAMPO TODO-APELA

ni Janiz Navida - @Showbiz Special | June 13, 2022

Kasunod ng pagdeklara kay Superstar Nora Aunor bilang isa sa mga napiling maging National Artist ngayong 2022 ang pagpalag at pag-apela naman ng ilang Vilmanians dahil hindi nakasama ang Star for All Seasons na si Cong. Vilma Santos-Recto sa listahan.

Nag-trending sa Facebook ang iba’t ibang posts ng mga Vilmanians na ang ilan ay nagpapahayag ng kanilang pagkadismaya, habang ang iba naman ay tanggap ang naging desisyon ng National Commission for Culture and the Arts.

Isa sa mga avid fans ni Ate Vi ang nag-post sa FB na ang caption ay, “They can’t put a good person down!!

“We, Vilmanians became so distraught, frustrated and disappointed because of the recent result of National Artist selection.

“We expected so high, we were resigned that it’s going to be our beloved Vilma Santos.”

Post naman ng isa pang Vilmanian, “Ate Vi is most deserving than anyone past or present but because she doesn’t have the clout and influence just like the others, Ate Vi always gets robbed of the recognitions that rightfully belongs to her.”

At habang may ilang Vilmanians na ‘nag-init ang ulo’ dahil inisnab nga raw si Ate Vi sa award, meron din namang ibang ‘kalma’ lang.

Caption ng post ng isang fan, “May panawagan si Batangas Rep. at Star for All Seasons na si Vilma Santos-Recto sa kanyang “Vilmanians”, tawag sa kanyang mga tagahanga at tagasuporta, na huwag nang malungkot dahil hindi siya kasama sa listahan ng mga naparangalan bilang “National Artist” para sa pelikula, na nasungkit naman ni Superstar Nora Aunor, kasama ng manunulat na si Ricky Lee at direktor na si Marilou Diaz-Abaya.”

Oh, ha?! Kung si Ate Vi mismo ay natanggap at inirespeto ang desisyon ng NCAA, sino ba tayo para mag-react-space-react pa, devah?!

Sabi nga… “Una-una lang ‘yan!”

Ay, teka, parang hindi naman maganda sa pandinig, ‘no? Lols! Peace to everyone!