Morant at Rozier, nangalabaw; Ayton at Tatum, sa COVID protocols

ni Anthony E. Servinio / MC - @Sports | December 29, 2021

Walang kabang sumaksak laban sa tatlong bantay at ipinasok ni ang bola na may kalahating segundo sa orasan upang buhatin ang bisitang Memphis Grizzlies sa 114-113 panalo kontra sa Phoenix Suns sa pagpapatuloy ng NBA kahapon sa Footprint Center. Umakyat sa 21-14 ang Grizzlies habang bumaba sa 26-7 ang Suns sa mahigpit na Western Conference.

Bago noon, pinalamang ng three-points ni Devin Booker ang Phoenix, 113-112, at limang segundo ang nalalabi sabay tawag ng timeout ng Memphis. Nagtapos si Morant na may 33 puntos, 21 sa second half, habang 32 puntos ang kapwa gwardiya na si Desmond Bane.

Pinatunayan muli ng Charlotte Hornets na sila ang may pinakamatinding opensa sa NBA Eastern Conference at binigo ang bisitang Houston Rockets, 123-99. Tumibay din ang hawak ng Chicago Bulls sa pangalawang pwesto ng East matapos talunin ang Atlanta Hawks, 130-118.

Bumuhos ng puntos ang Hornets upang kumalas sa 35-35 tabla sa second quarter at hindi na lumingon hanggang lumobo ang lamang sa 28 puntos sa unang minuto ng fourth quarter, 98-70. Ipinasok ni Terry Rozier ang pitong tres para sa 27 puntos at 18 puntos naman ang ambag ng reserbang si Kelly Oubre Jr.

Samantala, nasa 2 linggo na ngayong nagpapagaling sa COVID-19 si Celtics Jayson Tatum habang si Suns Deandre Ayton ay ikatlong player na nagka-COVID tulad nina Jae Crowder at Elfrid Payton maging si head coach Monty Williams.

Samantala, idineklara kahapon ng Philippine Olympic Committee si athletics chief Dr. Philip Ella Juico bilang persona non grata kasunod ng hindi pagkakaunawaan nila ni Olympic pole vaulter Ernest John "EJ" Obiena. “The POC approved the recommendation of the Ethics Committee declaring Juico as persona non grata,” ayon kay POC president Abraham Tolentino makaraan ang POC Executive Board meeting sa Pasay City. “We do not recognize him anymore as president of PATAFA [Philippine Athletics Track and Field Association] until the new election of its president.”