Mister mo, Lani, kaya todo-pa-macho… SEN. BONG, MAY SANYA NA, MAY 3 BEAUTY QUEENS PA

ni Nitz Miralles - @Bida | December 01, 2021

Finlex ni Sen. Bong Revilla, Jr. ang fit niyang katawan sa mga larawang ipinost niya habang nagwo-workout.

“Result of hard work and discipline. Let’s do it!” ang caption ng senador sa dalawang larawan.

Kasama sa paghahanda ni Sen. Bong sa taping ng Book 2 ng Agimat ng Agila ang kanyang tuluy-tuloy na pagwo-workout at kaiinggitan nga naman ng mga kaedad niya ang kanyang katawan. Wala sa katawan ng senador na 55 years old na siya.

Anyway, kailangan talaga ni Bong na mag-workout at ihanda ang katawan dahil tatlong naggagandahan at nagseseksihang babae ang kasama niya sa pagbabalik next year ng Agimat ng Agila.

Bukod kina Sanya Lopez at Rabiya Mateo, kasama na rin sa cast si 2014 Miss Universe Philippines MJ Lastimosa. Kung kasama pa rin sa cast si Michelle Dee, bale tatlong beauty queens ang makakasama ni Bong sa series.