Misis ni Chiz, napikon, rumesbak… HIRIT NG NETIZENS: GANDA AT KASEKSIHAN NI HEART, WA' 'WENTA

KUNG 'DI MABUBUNTIS

ni Nitz Miralles - @Bida | September 07, 2021

Hindi na mapigilan ang pagiging international star ni Heart Evangelista dahil sa Bling Empire na streaming sa Netflix.

Unang nai-report sa People magazine na nagsu-shoot siya para sa nabanggit na reality series.

Nitong huli, na-feature naman siya sa TMZ at sinundan ang lakad nila ni Kane Lim, isa sa cast ng Bling Empire hanggang pumasok sila sa Carolina Herrera boutique, kung saan isa si Heart sa brand ambassadors ng Pilipinas.

Unang tinanong si Kane ng TMZ reporter kung kasama na nila sa cast si Heart. Hindi nito sinagot nang diretso ang tanong at ang sabi lang, “I don’t know.”

Nang si Heart naman ang tinanong, ang narinig naming sagot ay “Whatever it is, this is for the Filipinos.”

Ipinakilala si Heart ng TMZ reporter na “very, very beautiful” and most famous personality in the Philippines” at ‘yun ‘din ang sinabi ni Kane. Tama namang may nagpa-picture kay Heart na dalawang tao habang papasok sila sa boutique.

Anyway, sinagot ni Heart ang netizens na kinukulit siyang sabihan na magbuntis na. May nag-comment kasi na walang silbi ang ganda at katawan niya kung hindi siya magbubuntis at magkakaanak.

“Stop telling me to get pregnant unless you really want to hurt me. Nobody knows the real struggle. Also may I add life is good, people I love are fine, and everything else in between is ok, so bonus na lang if I do conceive again. It’s my body.”

Still on Heart, matutuwa ang mga fans nito dahil malapit na raw simulan ang second cycle ng locked-in taping nila ng I Left My Heart in Sorsogon. Nabanggit kasi ni Paolo Contis na magku-quarantine na silang cast ng rom-com series.