Misis mo, Chiz, ibang klase talaga! HEART, TODO-DISPLEY NG P40 K NA SWIMSUIT!

ni Nitz Miralles - @Bida | June 20, 2021

Gusto ng mga fans ni Heart Evangelista na magsipag siyang mag-post ng mga photos niya na naka-swimsuit o kaya’y OOTD na kita ang kanyang waistline pati abs.

Kapag nag-post siya ng larawan na naka-swimsuit, ang daming nagla-like at comment.

Siyempre, isa sa mga inaabangan ng mga netizens ay kung ano ang brand ng suot na swimsuit ni Heart.

Sa latest swimsuit post ni Heart na Louis Vuitton, almost 150,000 na ang likes at may mga nagtatanong kung magkano ito.

May mga masisipag na nagtsek sa US website ng LV para malaman ang presyo ng bikini na suot ni Heart at napag-alaman na more or less P40,000 daw ang price nito.

And speaking of Heart, tama kaya ang nabalitaan naming sa Tuesday na (June 22) ang storycon ng I Left My Heart in Sorsogon?

Sa July naman ang simula ng locked-in taping ng series na may mga eksenang kukunan sa Sorsogon.