Mga umoorder, tinawag na 'hampaslupa'… DINGDONG, BMW BIKE ANG GAMIT SA PAGDE-DELIVER

ni Nitz Miralles - @Bida | December 6, 2020

Nakunan ng picture si Dingdong Dantes na naka-uniform ng Dingdong.ph at nagde-deliver ng mga in-order na idinaan sa Dingdong.ph delivery.

Alam na si Dingdong ang delivery man dahil gamit nito ang BMW bike, na sa mga riders ng delivery app, siya lang ang binigyan ng ganitong bike ng BMW.

Post ni James Deakin sa Instagram: “Spotted! Is that THE Ding Dong Dantes delivering personally??? Btw, nice bike!!! Not sure which one I’m more starstruck with. Good job bro!”

Nakakaaliw ang mga comments sa post ni James Deakin dahil ang dialogue raw ni

Dingdong pagka-deliver ay… “Wazzup mga hampaslupa! Heto na'ng delivery n'yo, hahaha.”

May pumuri sa kasipagan ni Dingdong at may nagtanong kung dapat bang BMW ang bike ‘pag nag-deliver?