Mga Pinoy, dismayado… MARIAN, NATALBUGAN NG MGA CO-JUDGES SA MISS U

ni Erlinda Rapadas - @Teka Nga! | December 13 , 2021

Maraming nag-react at nadismaya nang makita ang black dress na isinuot ni Marian Rivera noong preliminary competition ng Ms. Universe 2021. Natabunan daw nang bonggang-bongga si Marian ng ibang mga judges na karamihan ay gown at nagkikintaban ang mga suot.

Simpleng black dress lang kasi ang isinuot ni Marian. Dapat daw ay nagpabongga siya nang husto dahil special event ang kanyang dinaluhan.

Well, keri naman ni Yan-Yan ang kasimplehan ng kanyang suot na black dress. Lumutang naman ang kanyang ganda at hindi nagpahuli sa ibang mga judges.

Baka naman sa grand coronation night ng Ms. Universe ay babawi si Marian. Maaaring inisip niya na preliminary competition lang naman ‘yun at hindi niya kailangang makipagkumpitensiya sa mga Ms. U candidates.

At mukhang hindi naman na-insecure si Marian sa mga bonggang gowns at nagkikislapang kasuotan ng ibang judges. Buo ang kumpiyansa niya sa kanyang sarili.