Mga korup, sapul na naman… VICE: ANG TOTOONG PUBLIC SERVANT, 'DI YUMAYAMAN AT 'DI NAGPAPAYAMAN

ni Vinia Vivar - @Frankly Speaking | October 14, 2021

Nagpasaring na naman si Vice Ganda sa mga tiwaling government officials. Sa recent episode ng It’s Showtime ay buong-tapang na nag-rant ang Unkabogable Star nang mapag-usapan nila ng contestant sa Reina ng Tahanan ang tungkol sa pagtulong sa kapwa.

Health worker kasi ang contestant na si Yolanda Magat at aniya ay naging misyon na niya sa buhay ang tumulong sa nangangailangan.

Pinuri siya ni Vice Ganda at aniya, ito raw ang tunay na public servant.

“Serbisyo publiko. Kinakalimutan niya ang sarili niya, dahil 'yung pinagseserbisyuhan niya muna bago siya, 'yun 'yung totoong public servant.

“'Yung mga totoong public servants, hindi sila yumayaman at hindi sila nagpapayaman.

'Yung mga yumaman habang nakaupo, hindi sila totoong public servants,” pahayag ni Vice.

“Ginamit lang nila ang posisyon para mabigyan nila ng sariling pag-angat ang kanilang mga pamilya. At nagpagamit din tayo sa mga 'yan,” hirit pa ng TV host.