Mga artista, walang lusot… PIA, SOFIA, KAREN AT ALYSSA, PARE-PAREHONG NAGKA-COVID

ni Julie Bonifacio - @Winner | January 08, 2022

Ang dami talagang may sakit ngayon at kahit mga celebrities natin na fully vaccinated na, healthy living, can afford bumili at mag-take ng vitamins, etc., ayan at tinatamaan pa rin ng virus.

Isa nga si Miss Universe 2015 Pia Wurtzbach sa mga nag-announce sa kanyang Instagram account na nagpositibo siya sa COVID-19 habang nagbabakasyon sa UK kung saan nandu'n ang kanyang pamilya.

Mahaba-habang post ang ibinahagi ni Pia sa IG ng naranasan niyang mga sintomas, na kahit nga raw fully vaxxed na siya ay tinamaan pa rin.

“I caught COVID here in the UK even though I’ve been fully vaccinated & received my booster shot already,” himutok ni Pia.

Kumpleto rin daw siya ng flu pneumonia vaccines. Nasa wasto rin daw ang kanyang pagkain and of course, napaka-active ni Pia na kita naman sa lahat ng kanyang socmed accounts. Pero ‘yun nga, nahawahan pa rin.

“I got all the symptoms too. Fever, sore throat, body pain, runny rose, cough, & I also lost my sense of smell & taste,” the beauty queen shared.

Kasamang nag-quarantine ni Pia ang kanyang kapatid na si Sarah na nag-COVID positive rin.

Payo ni Pia, gawin daw ang tama ngayong 2022 sa pamamagitan ng pagpapa-vaccine, manatili sa isang lugar kung kinakailangan, huwag makihalubilo sa maraming tao, madalas na paghuhugas ng mga kamay at tamang pagsusuot ng face mask.