MAYOR VICO, PLAY SAFE, IBOBOTO SA 2022, SECRET!

ni Julie Bonifacio - @Winner | November 6, 2021

Playing safe ang bintang kay Pasig City Mayor Vico Sotto ng mga netizens sa pahayag niya na hindi muna siya makikigulo sa 2022 national elections.

Si Mayor Vico ay executive vice-president ng kanilang partido kung saan ang kanilang kandidato sa pagka-pangulo ay si Manila Mayor Isko Moreno at ang running mate for VP ay si Dok Willie Ong.

Hindi naman lingid sa marami na tiyuhin ni Mayor Vico ang vice-presidentiable na si Sen. Tito Sotto na nasa ibang partido.

Mukhang naiipit si Mayor Vico sa pagitan ng kanyang pamilya at ng political party na kinabibilangan niya.

Kinunan kasi ng pahayag si Mayor Vico ng ABS-CBN News kung sino ang ie-endorse niya sa darating na halalan.

“Basta nagpaalam ako sa lahat… nagpaalam ako sa party ko, nagpaalam ako sa tito ko, na hindi muna ako makikigulo sa national politics,” lahad ni Mayor Vico.

Sa Pasig City pa lang daw ay marami na siyang problema, kaya ayaw na niyang dagdagan pa ang problema niya.

“Bakit ako makikisawsaw sa national politics, eh, dito pa lang, ang dami kong kailangang ayusin,” sabi pa ni Mayor Vico.

Comment ng netizen, “Subtle way of saying he is not endorsing Isko? Maybe. Or he has other reasons. Based on what he has demonstrated so far, I think his reason is good, and upright.”

“Ay. Medyo disappointing. He's now protecting his votes like a normal politician.”

“Playing safe is also politicking for self vested interest. Having a stand is more honorable.

People with principle will always have enemies. Those with no enemies, most likely will be compromising a lot.”

Nakakalurky ang mga netizens dahil may advice pa sila kay Mayor Vico.

“So easy to say na ikakampanya niya si Isko dahil kapartido niya kaso hindi niya masabi.

Obviously, hindi si Isko 'yun, and lalong hindi si BM. Tingin ko, si VP Leni bet niya for president, 'yan din susuportahan nu'ng sister niya, si Paulina. For VP definitely, 'yung kapatid ng ama niya siguro."

Ang “Paulina” na tinutukoy ng netizen ay ang half-sibling ni Mayor Vico na anak ng comedian-TV host na si Vic Sotto kay Angela Luz, isa sa mga naging San Miguel Beer celeb endorsers.

Si Paulina ay very vocal about VP Leni at nagsabi na country first before family interest.

“VP Leni for sure but between the Uncle and the Tito for VP is so hard to decide for now which is very close to his heart just like Ms. Shawie. Maybe in time, let him be.”

True. Malamang, gaya ni Megastar Sharon Cuneta na direktang ipit sa sitwasyon for VP race, nahahati rin ang puso ni Mayor Vico between his Uncle Tito at sa kanyang partido.

And for the sake of his family at political party, kesa magkaroon pa ng tampuhan, mas maiging itago na lang ni Mayor Vico sa sarili ang kanyang mga iboboto sa darating na halalan.

Ang pangit namang imahe at kawalan ng kredibilidad kay Sen. Tito kung halimbawang sabihin ni Mayor Vico na 'di niya iboboto ang kanyang uncle for VP.

Ano ‘toh? Mismong mga kadugo niya, waley siya type maging VP?

Deevaah?