May legal ba na basehan ang patuloy na pagtigil ng tenant sa apartment kahit napaso

na ang contract of lease?

ni Atty. Persida Rueda-Acosta - @Magtanong Kay Attorney | May 11, 2021

Dear Chief Acosta,

Nag-expire na ang contract of lease ng aming maliit na apartment, ngunit nakatira pa rin kami rito ng higit sa dalawang linggo na mula sa nasabing pagkapaso dahil hindi naman kami pinaalis ng may-ari. May legal na basehan ba ang aming patuloy na pagtigil dito? – Hyacinth

Dear Hyacinth,

Opo, ang maaaring legal na basehan ninyo ay ang Article 1670, kaugnay ang Article 1687, ng Civil Code of the Philippines, kung saan ay nakasaad ang sumusunod:

“Article 1670. If at the end of the contract the lessee should continue enjoying the thing leased for fifteen days with the acquiescence of the lessor, and unless a notice to the contrary by either party has previously been given, it is understood that there is an implied new lease, not for the period of the original contract, but for the time established in Articles 1682 and 1687. The other terms of the original contract shall be revived.”

“Article 1687. If the period for the lease has not been fixed, it is understood to be from year to year, if the rent agreed upon is annual; from month to month, if it is monthly; from week to week, if the rent is weekly; and from day to day, if the rent is to be paid daily. However, even though a monthly rent is paid, and no period for the lease has been set, the courts may fix a longer term for the lease after the lessee has occupied the premises for over one year. If the rent is weekly, the courts may likewise determine a longer period after the lessee has been in possession for over six months. In case of daily rent, the courts may also fix a longer period after the lessee has stayed in the place for over one month.”

Samakatwid, mayroong implied new lease na namamagitan sa inyo ng inyong lessor bagama’t hindi ninyo ito tahasang pinagkasunduan dahil hindi kayo binigyan ng notice to vacate. Kung dati ay buwanan ang pagbabayad ninyo ng upa, mananatili ang nabanggit na kasunduan.

Sana ay nabigyan namin ng linaw ang inyong katanungan. Ang payong aming ibinigay ay base lamang sa impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala.