May “K” ang bangko na ipaalam ang impormasyon ng aplikante sa ibang bangko

ni Atty. Persida Rueda-Acosta - @Magtanong Kay Attorney | January 21, 2022

Dear Chief Acosta,

Gusto kong malaman kung maaari bang magpalitan ang mga bangko ng aking impormasyon, partikular sa aking loan na kinuha sa bangko? - Remy

Dear Remy,

Ang mga batas na sumasaklaw patungkol sa inyong katanungan ay ang Republic Act No. 10173 o mas kilala bilang Data Privacy Act of 2012, at ang Republic Act (R. A.) No. 9510 o kinikilala bilang Credit Information System Act. Nakasaad sa Section 13 ng R.A. 10173 na:

“SEC. 13. Sensitive Personal Information and Privileged Information. – The processing of sensitive personal information and privileged information shall be prohibited, except in the following cases:

(b) The processing of the same is provided for by existing laws and regulations: Provided, That such regulatory enactments guarantee the protection of the sensitive personal information and the privileged information: Provided, further, That the consent of the data subjects are not required by law or regulation permitting the processing of the sensitive personal information or the privileged information;”

Kaugnay nito, at alinsunod sa Sections 4 at 5 ng R. A. No. 9510, ang mga bangko ay nararapat na magsumite sa Credit Information Corporation (CIC) ng basic credit data o ang impormasyong ibinigay ng sinumang aplikante o nakatanggap na ng credit facility nito.

Ang nasabing impormasyon ay maaaring magamit ng iba pang bangko na awtorisado ng CIC upang malaman ang credit history at financial condition ng sinumang magnanais na makinabang sa credit facility ng bangko.

Sana ay nabigyan namin ng linaw ang inyong katanungan. Ang payong aming ibinigay ay base lamang sa impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala.