May cancer, nagpa-chemo sa France… BF NI NADINE, TINANINGAN NA NG DOKTOR, NABUHAY PA RIN

ni Vinia Vivar @Frankly Speaking | July 28, 2026

Photo: IG _cbariou

Aminado ang boyfriend ni Nadine Lustre na si Christophe Bariou na hindi biro ang dinaanan niyang journey sa pakikipaglaban niya sa cancer nitong nakaraang mga taon bago pa niya nakilala ang aktres.

Sa guesting ng dalawa sa vlog ni Karen Davila ay nag-open up ang Filipino-French businessman tungkol sa naging battle niya with the ‘Big C’ na talaga raw humamon sa kanyang katatagan.

“I was battling cancer, it was a rare form of lymphoma, so the lymphatic system,” aniya.

Nang makilala raw niya si Nadine ay katatapos lang ng mga session niya ng chemotherapy.

“When I met Nadine, I was coming back from those 6 months of chemotherapy,” kuwento niya.

“I was still recovering (at that time). Now I can truly say I recovered but the first two years were the toughest. So I was still recovering having some, you know, like brain fog or like forgetting stuff.

“So yeah, when I met her actually, I didn’t know exactly where I was in my life,” aniya.

Ayon sa kuwento ni Chris ay binigyan na siya noon ng doktor ng taning na ilang linggo na lang ang itatagal niya at talagang naihanda na rin niya ang sarili na mamamatay na siya.

“I was led to believe that I was gonna die within the next weeks, like 100%. So I went through all these emotions, you know, like deep fear, like rage also, injustice, unfairness. Why does it happen to me? You know, like I’m not a bad person, I’m doing good stuff, I’m trying at least. So, yeah, I went through all of these,” lahad niya.

Natanong naman si Nadine kung may takot ba siya para sa future ng boyfriend.

“Not really. I mean, I do believe that he’s fine now. And the doctors did say that he’s all clear, which is something that I’m really proud of with him. And he’s a pure soul, you know, so, I do know that it’s not going to happen soon,” pahayag ng aktres.

Sa kanyang TikTok (TT) post ay naikuwento ni Chris na nagpagamot siya sa France at nagkaroon agad siya ng full remission after two months of intense chemotherapy and immunotherapy.

“Something I learned from this, going through all the terrible side effects of the chemo, is that despite everything, my life goals did not change at all. I wanted to get back on my feet as fast as possible and continue everything I started, but with more intention and even more motivation,” saad ni Chris sa kanyang post.

---

DREAM come true para kay Beaver Magtalas ang coming-of-age film na Kaka sa Yawan (KSY) (Brothers by the River), na isa sa mga official entries para sa Cinemalaya 2026.

Ayon kay Beaver sa ginanap na mediacon last Sunday, nagsisimula pa lang daw siya sa industriya ay pangarap na niyang magkaroon ng Cinemalaya project kaya naman talagang nag-audition siya para mapasama sa cast ng movie.

Pang-792 daw siya sa pila ng audition at talagang tiniyaga niya ito kaya ganu’n na lang ang saya niya nang makuha ang role dahil sulit ang lahat ng pagod at paghihintay niya.

“S’yempre, as an actor po, dati pa, isa na po ‘yan sa mga goals ko na magkaroon ng Cinemalaya project and super-saya ko po na makuha ‘to, s’yempre,” sey ng aktor.

Ginagampanan ni Beaver ang papel ng adult Niko habang ang baguhang child actor naman na si Bryce Nicolo ang batang bersiyon nito.

Aminado ang aktor na medyo nanibago siya ulit sa pag-arte dahil 2024 pa ang kanyang last film na When Magic Hurts (WMH), gayundin ang teleseryeng Pamilya Sagrado (PS).

“I feel like para akong nanibago. Parang I haven’t acted in a year, or maybe more, kasi I’ve been focusing po entirely on training po sa P-pop. Nagte-training po ako ng P-pop under Star Hunt Academy for a year now. One year na po kaming nagte-training,” aniya.

“Ang schedule po kasi namin sa training, Mondays to Fridays, du’n kami sa kanila. So, parang wala talagang time to do acting workshops, or to do other projects,” dagdag pa niya.

Kaya naman kahit mahirap ay nilagare talaga ni Beaver ang shooting at training niya sa Star Hunt Academy.

Malaking challenge rin sa kanila ang shooting dahil kinunan ang ilang eksena ng pelikula sa Tadyawan-Mangyan community ng Sitio Gran Vida, Socorro, Oriental Mindoro, kung saan walang cellphone signal.

Anyway, kasama rin sa cast ng movie sina Nikki Valdez, Luis Alandy, Queenay Mercado, Karl Medina, at Noelle Polack.