Sexbomb Girls, makukulit pa rin daw… ROCHELLE, NAGBABATO NG SILYA ‘PAG GALIT

ni Vinia Vivar @Frankly Speaking | June 27, 2026

Photo: Rochelle Pangilinan - IG

Inanunsyo ni Rochelle Pangilinan na may gagawing pelikula ang Sexbomb Dancers. Ibinalita niya ito sa kanyang pagbisita sa Fast Talk with Boy Abunda (FTWBA) recently.

Natanong ang aktres-dancer kung ano na ang next sa Sexbomb matapos ang malaking tagumpay ng kanilang reunion concert na Get, Get, Aww!

“Ang next po, marami. Kami po sana, hangga’t maaari, kung kaya, gagawin po namin ang lahat. But ‘yun, may planong movie, may documentary na ilalabas, and may mga songs na sana ilabas namin, and marami pa po,” sey ni Rochelle.

Ibig lang sabihin nito ay tuluy-tuloy pa rin ang pagbabalik ng grupo sa limelight at mukhang nandito na talaga sila ulit.

Pero siyempre, ayon kay Rochelle, may limitasyon din ang kanilang mga gagawin dahil hindi na sila mga bata at may kani-kanya na ring pamilya.

“Ang Sexbomb kasi, bilang may edad na, may hangganan din. But s’yempre, kung ano ‘yung kaya pa, gagawin po namin,” aniya.

Sey pa ni Rochelle, through the years ay may mga pagbabago na rin sa mga miyembro, pero marami pa rin naman ang hindi nagbabago.

“‘Yung mga nabago, mas mature na ‘yung Sexbomb Girls ngayon. And ‘yung mga ‘di nabago, ang kukulit pa rin ng lahat. Ang tingin pa rin nila sa ‘kin, leader pa rin, tapos kailangan asikasuhin mo sila lagi, tapos isip-bata pa rin ‘yung karamihan,” aniya.

Of course, hindi maiiwasan na mayroon pa ring disagreements among members, pero hindi na raw nagsisigawan at hindi na rin niya kailangang magbato ng silya kapag nagagalit.

“Ay, meron pa rin po, ‘di naman din ‘yan maiiwasan. Mas mababa na ang mga boses, at saka kailangan ine-explain sa kanila. ‘Di na ako umaabot sa point na maghahagis pa ako ng bangko,” aniya.

---

INILABAS na ng ABS-CBN ang poster at teaser ng inaabangang primetime series na Someone, Someday (SS) na pinagbibidahan nina Kathryn Bernardo at James Reid.

Solo lang sa poster si Kathryn at feeling namin ay may sarili ring poster ni James na ilalabas.

Kasama rin nina Kathryn at James si Maja Salvador, at ito ang pagbabalik nilang tatlo sa teleserye.

Ang kuwento ng SS ay tungkol sa isang female CEO na gumawa ng dating app para matulungan ang mga kababaihan na makahanap ng pag-ibig.

To celebrate the upcoming premiere, the cast of Someone, Someday will join the Primetime Bida motorcade alongside the stars of Coco Martin’s Sigabo on June 28 (Sunday) at 4 p.m. in San Fernando, Pampanga. Leading the cast are Kathryn, James, McCoy De Leon, Gela Atayde, Matt Evans, and more.

Malapit nang mapanood ito sa ALLTV2, TV5, A2Z, Kapamilya Channel, Kapamilya Online Live sa YouTube (YT)  at Facebook (FB), iWant, TFC, at streaming first on Netflix.

BINI AT BILIB, TIE SA DANCE RECORDING OF THE YEAR AWARD

ni Vinia Vivar @Frankly Speaking | June 24, 2026

Photo: FB BINI_ph & BILIB

Inilabas na ng Philippine Movie Press Club (PMPC) Star Awards, Inc. ang partial list of winners para sa parating na 17th Star Awards for Music. 

Ang mga nanalo sa natitira pang mga kategorya ay iaanunsiyo sa mismong awards night na gaganapin sa Hunyo 25 sa Teatrino Greenhills, San Juan City.

Pasok sa listahan ng mga nanalo ang tinaguriang Nation's Girl Group na BINI, na nagwagi sa Dance Recording of the Year para sa kanilang hit song na Salamin, Salamin. Kasama nilang nanalo sa parehong kategorya ang rising P-Pop boy group na Bilib para sa kanilang dance hit na Say Whatcha Wanna Say.

Kaabang-abang din kung madaragdagan pa ang panalo ng BINI, na nominado rin sa Song of the Year (Salamin Salamin), Album of the Year (Talaarawan), Duo/Group Artist of the Year, Music Video of the Year, at Pop Album of the Year.

Iuuwi naman ni Juan Karlos ang tropeyo para sa Male Acoustic Artist of the Year para sa awitin niyang Tanga Mo Juan. Hihintayin pa ni JK sa awards night kung mananalo rin siya sa iba pang kategoryang nominado siya, kabilang na ang Male Recording Artist of the Year, Concert of the Year, at Male Concert Performer.

Makulay naman ang panalo ni Unkabogable Superstar Vice Ganda sa Christmas Song of the Year para sa kanyang awiting Rainbow Christmas.

Samantala, excited ang mga young stars na sina Jayda Avanzado, Dylan Menor, Jarren Garcia, at Marthena Jickain dahil first time nilang magho-host ng Star Awards. Bagay silang hosts ng Star Awards for Music dahil pawang mga mang-aawit din naman sila.

Bukod sa pagho-host, magpe-perform din si Jarren kasama si Sam Concepcion sa opening number.

Pangungunahan nina Ima Castro, JV Decena at Chad Borja ang tribute number para sa Pilita Corrales Lifetime Achievement Awardee na si Celeste Legaspi at Parangal Levi Celerio Lifetime Achievement Awardee na si Mon del Rosario.

Ang rap group na Salbakuta naman ang maghahandog ng tribute number para sa isa pang Pilita Corrales Lifetime Achievement Awardee na si Andrew E.

Magkakaroon ng special number ang Rainmakers, na pararangalan din sa awards night bilang Mga Natatanging Alagad ng Musikang Pilipino. Nagdiriwang ang Rainmakers ng kanilang ika-50 anibersaryo sa music industry.

May spot number din ang tinaguriang The Revival King na si Jojo Mendrez.

Espesyal na pagtatanghal ni Moira dela Torre ang aabangan sa finale.

Magbibigay naman ng special Fan Favorite Awards ang PlayTime na co-presenter ng music event na ito. 

Makakatuwang ng PMPC Star Awards, Inc. sa pag-organisa ng 17th Star Awards for Music ang Echo Jham Entertainment Production na pinamumunuan ni Ms. Mhae Sarenas. Si Calvin Murphy Neria ang magdidirek ng naturang awards night.

Sa pangunguna ng kasalukuyang pangulo ng PMPC Star Awards Inc. na si Fernan de Guzman at ng Overall Chairman ng 17th Star Awards for Music na si Mell Navarro, kasama ang mga opisyal at miyembro ng grupo, sinisigurado nilang magiging bongga at maningning ang parating na awards night sa tulong ng Echo Jham.

Samantala, narito ang partial list of winners sa 17th Star Awards for Music:

ROCK ARTIST OF THE YEAR - Sponge Cola (Tatlong Buwan, Independent)

FEMALE R&B ARTIST OF THE YEAR - Zéla (Pogi Boy, AQ Prime Music)

MALE R&B ARTIST OF THE YEAR - Kris Lawrence (Within, Vehnee Saturno Music)

FEMALE ACOUSTIC ARTIST OF THE YEAR - Angela Ken (Kulimlim, Tarsier Records)

MALE ACOUSTIC ARTIST OF THE YEAR - Juan Karlos (Tanga Mo Juan, Sony Music Phils.)

COLLABORATION OF THE YEAR - Hanggang Dulo (Jos Garcia x Nolo Lopez, Stardom Music Production; and Palagi, TJ Monterde x KZ Tandingan, Independent)

RAP ALBUM OF THE YEAR - Drugs (Shanti Dope, Universal Records)

RAP ARTIST OF THE YEAR - Illest Morena (Morenita, Independent/TMP Industries)

NEW FEMALE GROUP ARTIST OF THE YEAR - PIX!E (Iced Coffee, Viva Records)

NEW MALE GROUP ARTIST OF THE YEAR - Five Fingers (Lakas Mo, Star Music/DNA Music PH)

DANCE RECORDING OF THE YEAR - Say Whatcha Wanna Say (Bilib, AQ Prime Music); and Salamin Salamin (BINI, Star Music)

REVIVAL RECORDING OF THE YEAR - Ipagpatawad Mo (Khel Pangilinan, M Music Live)

INSPIRATIONAL SONG OF THE YEAR - Pagmamahal sa Tinubuang Lupa (Kayla Acosta, Kamilla Acosta, Enoch Casiño, Emilio David, Ephraim Maglaque, Independent, Composer: Atty. Persida V. Rueda-Acosta) and Ningas Ng Pag-asa (Jamie Rivera feat. 92 AD, Star Music)

CHRISTMAS SONG OF THE YEAR - Rainbow Christmas (Vice Ganda, Star Music, Composer: Vice Ganda, Jonathan Manalo, Roque ‘Rox’ Santos, Jeremy Glinoga)

SPECIAL AWARDS

PILITA CORRALES LIFETIME ACHIEVEMENT AWARDS - Celeste Legaspi and Andrew E.

PARANGAL LEVI CELERIO LIFETIME ACHIEVEMENT AWARD - Mon del Rosario

MGA NATATANGING ALAGAD NG MUSIKANG PILIPINO - Rainmakers

Naka-aircon, pero pinagpawisan… DINA, PINARAMDAMAN NG NAMATAY NA MISTER

ni Vinia Vivar @Frankly Speaking | June 22, 2026

Photo: IG _dinabonnevie

Aminado si Dina Bonnevie na nang mabasa niya ang script ng pelikulang 40 Days ay tinanong niya sa sarili kung kaya ba niya itong gawin.

“Kasi, about death. Parang masyado pang fresh. Tapos ‘yung mga eksenang nababasa ko na nandu’n ‘yung coffin, parang sabi ko, ‘Oh, my God, baka mag-breakdown ako kasi parang ang sariwa pa, parang kamamatay lang ng asawa ko,’” sey ng aktres sa mediacon na ginanap para sa pelikula kamakailan.

Tumatalakay kasi ang movie sa pagkamatay ng 90-year-old matriarch na si Dolores Castro at pagluluksa ng kanyang pamilya sa loob ng 40 days habang magkakasama sa kanilang ancestral home. Dito ay maraming sikretong mabubulgar at mga katotohanang lilitaw sa likod ng pagpanaw nito.

Pinaniniwalaan kasi sa Pilipinas na habang wala pang 40 days ang isang pumanaw ay naririto pa rin siya sa lupa at hindi pa nakakaakyat sa langit.

Pero ayon kay Miss D, bilang isang Christian ay hindi raw ganito ang kanilang paniniwala.

“Kami, as a Christian, we believe na when you die, you go up to heaven na kaagad. ‘Di ba? Parang you’re in Jesus. Especially if you received the Lord God as your saviour, when you die, nandu’n ka na kay Jesus,” aniya.

Pero aminado naman siya na before the 40th day ng pagkamatay ng kanyang asawang si DV Savellano noong 2025, naramdaman din daw niya na parang nandito pa ang mister.

“Wala kang nakikita but you feel that he’s around. Sometimes, umiiyak ako and then you’ll suddenly feel na parang may yumakap sa ‘yo nang mainit na mainit, and then you’re wondering bakit bigla akong pinagpapawisan, na naka-aircon naman, pero parang somebody’s hugging you so tight, so I know it’s him,” kuwento ni Dina.

Pero excited din ang aktres na gawin ang pelikula dahil first time niyang makakatrabaho sina Elizabeth Oropesa at Lotlot de Leon na, just like her ay kagagaling lang sa pagluluksa nang mamatay ang ina nitong si Superstar at National Artist Nora Aunor last year.

“Iniisip ko, pareho kami ni Lotlot na bago lang namatayan, ano kaya’ng feeling ni Lot ‘pag ginawa namin ‘yung eksena? Parang du’n ako excited,” sey niya.

Excited din daw siya na makatrabaho si Direk Louie Ignacio, na siyang direktor ng pelikula, dahil first time raw niyang makatrabaho ito.

Magsisimula nang mag-shoot ang movie ngayong Lunes, at kasama rin dito sina Snooky, Lloyd Samartino, Perla Bautista at Ricardo Cepeda. Joining them are the newest stars of LVD Management Corp. na sina Diego Gutierrez, Jayson David, Yvonne Asher at Francheska.

---

‘Yun na lang ang kulang…

ALDEN, TODO-KAYOD PARA SA PAG-AASAWA

TODO-KAYOD si Alden Richards ngayon dahil bukod nga sa kanyang mga kabi-kabilang projects at endorsements, may mga negosyo pa siyang imina-manage. Kaya naman marami ang nagtatanong kung bakit nga ba nagpapayaman nang husto ang aktor.

Sa panayam sa 24-Oras, ipinaliwanag niya na sinasamantala lang niya ang pagkakataon pero inamin din niyang paghahanda na rin ito para sa kanyang pag-aasawa.

“I think, ito ‘yung tamang moment to seize the moment and take every opportunity that presents itself.

“Kasi medyo nandu’n na tayo sa securing the safety nets, eh. Para eventually, you know, ‘pag may point na or there would come a point na kailangan ko nang mag-settle down, ready na tayo,” pahayag ni Alden.

Sobrang busy nga ngayon ng aktor dahil lagare siya sa dalawang serye na kanyang ginagawa, ang Love, Siargao (LS) with Nadine Lustre na magsisimula ngayong June 26 at ang medical drama na Code Gray (CG) na this year din ipapalabas.

Sa ngayon ay love life na lang talaga ang kulang sa aktor at hopefully ay matagpuan na niya ang tamang babae para sa kanya.