Kung sa mga netizens, durog sa pamba-bash… CARLA, PINAYUHAN SI IYA NA ‘WAG BUMILI, MAG-ADOPT NA LANG NG ASO, DINEDMA

ni Vinia Vivar @Frankly Speaking | August 12, 2026

Photo: Carla Abellana at Iya Villana - IG / FB

Ikinuwento ni Iya Villania ang first heartbreak ng anak nila ni Drew Arellano na si Leon nang hindi nila nabili ang asong nagustuhan nito.

Mapapanood sa Instagram (IG) post ng aktres-anchor ang reel kung saan ay umiiyak ang kanilang anak sa pet shop habang hawak niya ang isang fur baby.

“Leon’s first heartbreak (heartbreak emoji),” bungad ni Iya.

“I always thought I was a pet lover until I met my husband (laugh emoji). The connection he has to dogs is undeniable and as much as he’s been wanting to have a dog in our home, having children was enough to keep his hands full, but now with Kuya Primo about to turn 10 and wanting a dog now too, also with Anya growing so fast, Drew felt it was the right time to finally adopt one,” kuwento niya.

At dahil nga marami pa silang inaasikaso sa kanilang bahay, pumupunta lang sila weekly sa pet shop para bisitahin ang fur baby ng isa nilang anak na si Primo na si Kobe.

Sa pagbisita raw nila sa pet shop ay may mga asong napamahal na raw sa kanila. Si Leon ay na-attach na raw sa isang fur baby na si Annie habang siya naman ay si Tanya ang kanyang nagustuhan.

“But with those visits, both Leon and I found ourselves growing fond of other cuties that were there! I loved getting cuddles from Tanya (the one I’m holding) while Leon got attached to Annie who would always seek his attention when he’d walk away. I know, talk about emotional damage. Makes me sad thinking Tanya won’t be there anymore when we go back,” tsika ni Iya.

Hanggang sa huling pagbisita nila ay may isang customer na nagdesisyong bilhin na si Annie.

“Well, during this particular visit, another client came in to see Annie… and when they asked to see her, Leon started to feel nervous. Eventually, the client decided on Annie and had her reserved which led to this moment,” lahad ni Iya.

At hayun na nga, super cry na si Leon dahil wala na si Annie.

“I didn’t realize how attached he got from the 2 visits he had with Annie until I saw him really getting the feels. I honestly thought he was just being silly and dramatic but I’m reminded that as crazy as this boy is, so is his ability to love. Oh, anak… wait ‘til you fall in love with a human,” Iya wrote.

“It was special seeing how Primo got affected with his brother’s heartbreak too and tried consoling him with a story of how he also didn’t get the dog he first wanted. He’s not fond of letting Leon hug him but in this moment he allowed him to,” kuwento pa ng aktres.

Sa comment section ay mababasa ang payo ni Carla Abellana kay Iya na umani nang katakut-takot na reaksiyon.

“Hey, I hope you guys consider adopting instead of shopping,” ang mensahe ni Carla.

May mga netizens na sinagot ang post ng aktres at sinabing basahing mabuti ang caption ni Iya.

“If you read her caption she specifically said that they’re ready to adopt,” sey ng isang netizen.

Sagot din ng isa pa, hindi na raw kailangang mag-lecture pa ni Carla dahil isine-share lang naman daw ni Iya ang heartbreak ng anak nito.

Anyway, dedma na lang si Iya sa comment ni Carla.

---

8 buwan daw silang naghiwalay… 

BIANCA, UMAMIN KUNG BAKIT NAPATAWAD SI RURU SA PANLOLOKO SA KANYA 

NAGSALITA na rin si Bianca Umali sa pag-amin ng boyfriend na si Ruru Madrid na nag-cheat na siya before sa kanilang relasyon.

Matatandaang sa panayam ng aktor sa Fast Talk with Boy Abunda (FTWBA) ay ikinumpisal niyang talagang natukso siya sa ibang babae habang karelasyon niya si Bianca at naging dahilan ito para hiwalayan siya ng aktres.

Eight months daw silang naghiwalay at humingi siya ng tawad kay Bianca. Labis naman niyang ipinagpapasalamat na binigyan siya ulit ng aktres ng 2nd chance at pinatunayan naman niya ang kanyang pagmamahal sa girlfriend dahil hindi na niya inulit ang pagloloko.

Sa panayam kay Bianca ng Showbiz Updates (SU) ni Ogie Diaz ay nahingan siya ng reaksiyon hinggil dito at ayon sa aktres, pinili niyang patawarin si Ruru sa naging pagkakamali nito.

“I think, the best advice to give to everyone is to always choose kindness at the end of the day,” aniya.

“Ano pa man ang pinagdaraanan natin, nasaktan man tayo, nakagawa man ng masama sa atin ang mga tao, kahit sino pa ‘yan, may it be people we love, may it be people we do not know, at the end of the day, let’s all choose kindness and choose to be the better person. Choose to understand the situation the best way that we could,” saad ng aktres.

Payo pa niya sa madlang people, “‘Wag tayong humawak at manatili sa galit, sa sama ng loob.”

In-encourage rin niya ang lahat na magpatawad sa mga nagkakamali sa kanila.

“Wala pong mas tama pa sa pagpapatawad,” sey niya.

Todo-tiis lang daw… KRIS, NAMAMAGA ANG TUHOD HABANG NAGSU-SHOOTING NG BAGONG SHOW

ni Vinia Vivar @Frankly Speaking | August 10, 2026

Photo: IG _michaelleyva

Matinding dusa at sakit pala ang tiniis ni Kris Aquino habang nagsu-shoot ng promo material niya for Netflix.

Sa video na inilabas ay makikita nga ang Queen of All Media in high spirits na parang walang sakit tulad ng dati.

As we all know, Kris is officially back in the limelight bilang host ng pinakabagong Chief Head of Insight and Kontent Analysis (C.H.I.K.A.) show sa Netflix.

Mapapanood sa video ang pagsisimula niya sa kanyang trabaho na ikinatuwa nang husto ng kanyang mga supporters na na-miss siya nang husto.

Pero ang hindi alam ng marami, namamaga pala ang kanyang legs at buto during the shoot.

Ibinahagi ito ng vlogger friend ni Kris at co-host ni Ogie Diaz sa Showbiz Updates (US) na naroon during Netflix filming na si Loi Villarama or Mama Loi.

“NEVER LOST FAITH THAT THIS DAY WILL COME…when The Queen, Ms. @krisaquino, will face the cameras again and do what she does best,” simula ng content creator.

Ayon kay Mama Loi, kahit nga raw may iniindang sakit ay wala raw itong reklamo at nagpakita pa rin ng ibayong professionalism. 

Sa kabila ng sakit na nararamdaman, laging one take raw ang TV host.

“During the shoot, I saw how hard it was for her because ‘yung rheumatoid arthritis, talagang namamaga ‘yung legs and pati ‘yung buto. I felt ‘yung pag-usli nu’ng mismong buto on her knees na namamaga.

“Earlier during the shoot it was okay, pero ganu’n pala talaga ang autoimmune, nakakagulat ‘pag nakaramdam ng pagod, nagrerebelde na.

“But she never complained, kahit hirap at pagod she was always in high spirits, at ‘pag nasa harap na ng camera, wala ka nang mahahalata na she’s in pain. She is a true professional. At kahit may iniindang sakit, palaging ‘take 1’ si KCA (Kristina Bernadette Cojuangco Aquino),” kuwento ni Mama Loi.

Bukod pa rito, inabot daw nang madaling-araw ang shoot at wala ring reklamong narinig kay Kris kahit lampas na sa kanyang cut-off time.

“Her cut-off time was 12 midnight, but she finished the shoot with no complaints until 1:30 AM,” aniya.

“Sobrang saya namin na mapanood kang muli KCA @krisaquino. Praying your continued healing and we are earnestly looking forward to see more of you, Our Queen,” pagtatapos ni Mama Loi.

Samantala, ipinost naman ng fan page na Kris Aquino World sa IG ang pagdalaw ng bunsong anak ni Kris na si Bimby sa kanyang ina habang nagte-taping ito for Netflix.

Mapapanood sa video ang pagdating ni Bimb sa set at pumasok sa room na kinaroroonan ng kanyang mama. Makikita nga na nakahiga si Kris sa couch at natuwa siya nang makita ang anak.

“WATCH: Bimby Aquino paid a special visit to his mom, Kris Aquino, during the filming of her new Netflix Philippines series, C.H.I.K.A. (Chief Head of Insight and Kontent Analysis).

“Even with her exciting return to the spotlight, one thing remains unchanged—family always comes first. Bimby’s visit made the behind-the-scenes moment even more heartwarming as he showed his love and support for his mom on set,” ang mababasa sa caption.

---

MARVIN, UMAMING MAHAL PA RIN NILA NI JOLENS ANG ISA’T ISA

NATUTUWA naman sina Marvin Agustin at Jolina Magdangal na hanggang ngayon ay buhay na buhay pa rin ang mga loyal supporters ng kanilang love team.

Matatandaang isa sa iconic love teams ang MarJo na sumikat noong dekada ‘90 sa youth-oriented series na Gimik at mga pelikulang Labs Kita… Okey Ka Lang (LKOKL), Flames, the Movie (FTM), at Hey Babe (HB).

Matapos ang reunion film nilang Ex Ex Lovers (EEL) in 2025, ngayon ay balik-tambalan ang MarJo, this time ay sa small screen naman. Pagbibidahan nila ang seryeng Mommy Guard (MG) ng TV5.

Sa mediacon ng Tara, Kapatid! Midyear Media and Trade celebration ng TV5 recently, ipinahayag nina Marvin at Jolina ang kanilang pasasalamat na hanggang ngayon ay nandiyan pa rin ang kanilang mga fans na ngayon ay mga magulang na rin.

“Natutuwa kami ni Marvin kasi ang mga nagmahal sa amin noong ‘90s ay nagmamahal pa rin hanggang ngayon at may bago na, ‘yung mga anak na nila ay minamahal na kami,” sey ni Jolens.

“Kumbaga, nakakatuwa ‘pag nakikita nila kami ni Marvin, yes, naaalala nila ang throwback, nostalgia, pero every time kaming magkakasama ni Marvin at mayroon kaming project na gagawin, excited kami kasi ‘yung kumbaga, ipinapakita namin as Marvin-Jolina and as MarJo,” dagdag pa ni Momshie Jolina.

‘Kaaliw naman ang sagot ni Marvin nang matanong sila kung paano nila gina-guard ang puso nila na huwag ma-in love muli sa isa’t isa.

Pag-amin ni Marvin na ewan kung seryoso or nagbibiro, “‘Yan ‘yung pinakamahirap na pinagdaraanan ko tuwing magkakatrabaho kami ni love team (Jolina). Kasi nga, kanina nga lang, kumakanta lang, ang hirap na.”

Pero happy din ang aktor na hanggang ngayon ay napanatili nila ni Jolina ang kanilang love for each other, gayundin ang magic ng kanilang samahan.

“Nu’ng nagpi-pictorial nga kami at ang cute-cute namin, sabi ko nga kay Jolina, ‘Alam mo ba na 50 na tayo in two years?’ But ‘yung pagmamahal tulad ng sinasabi ni Jolina, I guess ‘yun ang ‘di magbabago,” aniya.

“Mahal na mahal namin ang isa’t isa, mapa-personal man o mapa-trabaho. And that’s something I guess, kaya rin ‘yung magic na... natutuwa kami na nae-enjoy n’yo whenever we perform, ay nandu’n pa rin,” dagdag pa ng aktor.

Ayon naman kay Jolens, ipapakita raw nila sa kanilang reunion series ang bagong MarJo love team na nag-evolve na.

“Natutuwa ako kasi ‘pag nakikita nila ang Marvin-Jolina or ‘yung MarJo, talagang nandu’n ‘yung saya sa puso nila at ayaw naming mawala ‘yun ni Marvin. Pero gusto rin naming iparamdam sa mga nanonood na ang aming samahan ay napapanahon. Kumbaga, nag-e-evolve rin,” sey ng aktres.

Kasama rin ng MarJo sa Mommy Guard sina Cedrick Juan, Pearl Gonzales, Nathalie Apollo, Amo Wilding, Celyn David, Patrick Ballesteros, Roxanne Guinoo and Dominic Ochoa. Directed by Roman Perez, Jr., mapapanood na ito simula ngayong Setyembre.

Tuwang-tuwa nang magka-jawline… JM, TODO-DASAL KAY LORD PARA PUMAYAT

ni Vinia Vivar @Frankly Speaking | August 8, 2026

Photo: JM De Guzman / IG

Ang daming pumuri sa freshness at magandang pangangatawan ngayon ni JM de Guzman nang dumalo siya sa Tara, Kapatid! Midyear Media and Trade Celebration ng TV5 last Thursday.

Halos lahat ay nagkaisa sa pagsasabing mas gumuwapo at mas bumata pa siyang tingnan.

When asked kung paano niya ito ginawa, sey ng aktor, “Nagdasal po ako.”

Pero siyempre, bukod sa prayers ay talagang nag-focus daw siya sa pagwo-workout. 

Biro pa niya, nagsumbong siya sa best friend niyang si Emman, ang misteryosong karakter sa pinagbibidahan niyang serye sa TV5 na My Bespren Emman (MBE).

“Nagsumbong ako na ‘Emman, ang laki-laki ko na. Sana po, magka-jawline ako, Emman, best friend naman kita,’” natatawang sey ni JM.

Samantala, sobrang thankful ng aktor nang i-offer sa kanya ng TV5 ang serye na tumatalakay sa redemption and faith ng lead character na ginagampanan niya.

“Sobrang thankful ko simula nu’ng natanggap ko ‘tong project na ‘to. Before ko kasi s’yang matanggap, medyo nag-i-struggle ako sa spiritual life and spiritual connection ko with God.

“Pero habang ginagawa namin ‘to, kinakausap-kausap ko si Emman (God), how I prepared for the role,” pahayag ng aktor.

Habang ginagawa raw ang serye ay natuto siyang mag-meditate at magdasal.

“Nag-meditate talaga ako and prayed para magkaroon din ng connection kay God. I did it every day before shoot and kung nasa bahay lang ako, before I sleep,” aniya.

“And masarap s’ya sa pakiramdam and nagkakaroon ako ng clarity,” dagdag niya.

Para naman sa kapareha niya sa serye na si Shaina Magdayao, itinuturing din niyang answered prayer ang proyektong ito.

“I kept on repeating that this is an answered prayer. Kasi, alam n’yo naman po, lumaki na po ako sa harapan n’yong lahat, na gumagawa ng mga pelikula at saka mga teleserye na kagaya nito.

“And then, I don’t know, for some reason siguro, nu’ng naging teenager (ako), nawala ru’n ‘yung focus. S’yempre, napunta sa mga love story and ‘yung iba-iba pang mga kuwento na ibinibigay natin sa manonood.

“So, when this was offered to me, I felt that it was an answered prayer,” sey ni Shaina.

“Tapos, may bonus pa nga na tumagal kami nang ganito katagal, na umabot pa sa Book 2 kaya it’s beautiful to be able to be given this opportunity na gumawa ng ganitong klaseng show na, gaya nga po ng sabi ninyo, wala na tayong mga napapanood na ganito,” dagdag niya.

Now part of TV5’s Hapon Champion lineup and also available to Kapamilya audiences, My Bespren Emman continues to build a loyal multiplatform following through its story of friendship, family, resilience, and second chances.