Gamit na gamit daw para sa mga fans nila ni Kim… PAULO, TODO-PALAG SA PAGPAPA-BAN SA DISCORD

ni Vinia VIvar @Frankly | September 25, 2026

Photo: Paulo Avelino - IG

Inalamahan ni Paulo Avelino ang napapabalitang pagbabawal o pag-block sa social media ng messaging application na Discord sa Pilipinas.

Sa X (dating Twitter) post ng aktor, sinabi niya na mahalaga nga ang child safety, ngunit hindi solusyon ang pag-ban sa isang app. Aniya, ginagamit din ang Discord sa trabaho, eskuwelahan, at maliliit na negosyo.

Dagdag pa niya, lumilipat lang sa ibang platform ang mga may masamang balakin habang naaapektuhan ang mga lehitimong gumagamit.

“People use Discord for work meetings, school, and running small businesses. Block it and they all get hit, while bad actors just move to another app,” saad ni Paulo.

Dagdag pa niya, “Child safety matters. So fix the actual problem, not just the easiest target!”

Nauna nang nagbabala ang CICC (Cybercrime Investigation and Coordinating Center) sa Reddit at Discord na posibleng ipagbawal ang operasyon ng dalawang platform sakaling hindi sila makapag-establish ng local presence rito sa Pilipinas sa loob ng 24 oras.

Binigyan ng ahensiya ng palugit ang Reddit, subalit sa kasamaang-palad ay hindi nabigyan ng extension ang Discord.

Si Paulo ay active user ng Discord. He is highly engaged with his fans on the platform at mayroon siyang official Discord community kung saan ay direkta niyang nakaka-interact ang kanyang mga supporters.

Ginagamit din niya ang kanyang server dito para makapagbahagi ng mga personal photos, kabilang na ang mga rare throwback vacation photos nila ni Kim Chiu.

Kamakailan lang ay binati pa nila ni Kim ng 2nd anniversary ang fan community nila sa Discord.

---

AKMANG-AKMA sa buhay ng beauty queen na si Joyce Peñas Pilarsky ang bago niyang single na Walang Imposible dahil nagawa niya naman talaga ang halos akala ng lahat ay imposible. 

Sa edad kasi na 69 ay naging kandidata pa siya sa 2024 Miss Universe Philippines–Quezon City.

“When I was young, mahilig akong manood ng mga beauty contests sa TV. Sabi ko, pangarap ko talagang maging beauty queen. I never thought that at age 69, I would be a candidate for Miss Universe-Philippines,” pahayag ni Joyce sa launching ng kanyang inspirational song na Walang Imposible.

“When I joined the pageant 2 years ago, ako ‘yung the first Filipina to be the official candidate for Miss Universe Quezon City (at the age of 69),” aniya.

“So, ‘yun ‘yun, eh. Kaya walang imposible,” dagdag pa niya. 

Aniya pa, “Who would have known that one day, they would change the rules?”

Para kay Joyce, hindi hadlang ang edad para makamit ang ating mga pangarap, kaya naman sa pamamagitan ng kanyang kanta ay ine-encourage niya ang lahat na abutin ang mga ito.

Sa edad na 71 naman ay kinoronahan siya bilang Mrs. Elite Elegante World International 2026 sa Kuala Lumpur, Malaysia.

Bukod dito, nakuha rin niya ang mga awards na Best in National Costume, Best in Talent (kung saan kinanta niya ang Smile ni Natalie Cole), Mrs. Popularity, at Best in Evening Gown.

At ngayon, sa edad na 72 ay natupad naman ang isa niyang pangarap na makapaglabas ng sariling single.

Naniniwala si Joyce sa kasabihang “We have only one chance to live,” kaya naman habang nabubuhay siya ay hindi rin siya tumitigil na gawin ang mga bagay na gusto niya.

“Every day, every morning, I pray and thank God that I’m alive. That means, I have a chance again for a new day, for a new beginning. So, para sa ‘kin, whatever I can do today, I will do it. Life is too short,” aniya.

Sa totoo lang, ang ganda ng mensahe ng song na komposisyon ni Vehnee Saturno. Ang lakas ding maka-LSS (last song syndrome) nito kaya naman bago matapos ang event ay hina-hum na ng mga naroon (kasama ako) ang awitin.

Available na ang Walang Imposible sa lahat ng music platforms.

Sa pagtakbo uli ng anak sa 2028… “IT’S LUCKY’S DECISION” — GOV. VILMA

ni Vinia VIvar @Frankly | September 23, 2026

Photo: IG _luckymanzano

Ipinauubaya ni Star for All Seasons Vilma Santos-Recto sa anak na si Luis Manzano ang pagdedesisyon kung tatakbo ba itong muli sa susunod na eleksiyon.

Matatandaang tumakbo ang TV host bilang vice-governor ng Batangas noong 2025 midterm elections, but unfortunately ay hindi nga ito pinalad na manalo.

Sa panayam kay Ate Vi sa Ogie Diaz Showbiz Update ay natanong siya kung papayagan ba niyang tumakbong muli si Lucky sa 2028 elections.

“Ang isasagot ko naman, it’s not my decision, it’s Lucky’s decision,” sey ng gobernadora ng Batangas.

Pero sa nakikita raw niya kay Luis ay hayaan na raw munang mag-enjoy ang anak sa pagiging isang ama at sa career nito as TV host.

“The way things are going, let him enjoy his life as a father and as the best host,” aniya.

Matatandaan ding nasabi na noon pa ni Luis na bagama’t hindi siya pinalad na magwagi ay hindi naman niya tuluyang isinasara ang kanyang pinto sa pulitika at patuloy pa rin siyang tutulong sa mga Batangueño kahit wala siya sa posisyon.

---

Join sana, kinansela… 

VMX BABES, OUT SA REUNION CONCERT NG VIVA HOT BABES

KINUMPIRMA ng VMX (Vivamax) Babes member na si Zsara Laxamana na hindi na matutuloy ang guesting ng grupo nila sa Bulaklak reunion concert ng Viva Hot Babes.

Sa mediacon ng Masahe, sinabi ng sexy actress na mismong ang mga ‘ate’ raw niya sa Viva Hot Babes ang umayaw sa kanilang guesting.

“Actually po, ang pagkakaalam ko po, ang sabi po ni Boss Vic (del Rosario, Viva’s big boss) sa amin, magge-guest po talaga dapat kami, pero parang kinansel po ata ng mga ate, ‘di ko lang po sure,” sey ni Zsara.

“Pero okay lang naman po, pupunta pa rin naman po kami para mag-support sa kanila or baka magbago ‘yung isip po nila. Okay lang naman po sa amin, since idol po namin ang mga ate,” dagdag pa niya.

Aminado naman si Zsara na nalungkot din siya nang malamang na-cancel ang guesting nila sa reunion concert.

“Ayoko naman pong magpakaipokrita, na-sad po talaga ako, lalo na ‘yung mga kasamahan ko po sa VMX Babes kasi excited nga po kami na ma-meet po talaga ang mga ate. ‘Yun naman po talaga ‘yung sa ‘min.

“Eh, ‘di naman po namin makokontrol kung ano po ‘yung nararamdaman nila kasi bina-validate rin po namin ‘yung feelings nila. ‘Yun po.

“Sad lang po, but we’re very happy and proud po sa mga ate,” sey pa ni Zsara.

Sinabi rin niya na na-meet na niya ang ilan sa mga miyembro ng Viva Hot Babes recently habang nagre-rehearse ang mga ito at okay naman daw sila.

Samantala, sa direksiyon ni Rodante Y. Pajemna, Jr., nagsimula nang mapanood ang Masahe sa VMX streaming platform. 

After ng kasal kay Bea… VINCENT, TODO-IWAS NA MAINTERBYU NG PRESS

ni Vinia VIvar @Frankly | September 22, 2026

Photo: FB Circulating & IG _bealonzosquad

Inabangan ng entertainment press ang pagtakbo ni Puregold Price Club Inc. President Vincent Co sa ginanap na South Luzon leg ng nationwide Hakot Relay last Saturday at Vermosa Sports Hub sa Imus, Cavite.

Siyempre, ang lahat ay gusto siyang ma-ambush interview matapos ang kasal nila ni Bea Alonzo last July.

Pero ‘yun nga lang, nang makita niya ang press ay umiwas siya at nagpatuloy sa pagtakbo. Naintindihan naman ng lahat since hindi naman siya showbiz person talaga.

Anyway, naging exciting at mas intense ang takbuhan sa Cavite nang dagsain ng mahigit 4,000 runners ang Vermosa Sports Hub.

Punumpuno ng energy, camaraderie at ‘panalo’ moments ang event habang sabay-sabay na humarap ang mga participants sa isang kakaibang running challenge na may signature Puregold twist — ang ‘hakot’ mechanic.

Mas naging espesyal ang Southern Luzon leg dahil dito inilunsad ang kauna-unahang 8K Individual Challenge ng Puregold. Humigit-kumulang 500 runners ang sumabak sa full 8-kilometer course, kung saan kani-kanya silang diskarte, tiyaga, at lakas para matapos ang race.

Unlike the traditional Hakot Relay, ang 8K Individual Challenge ay isang solo race. Walang teammate na sasalo o katuwang sa pagtakbo—sariling pace, sariling diskarte, at sariling determination ang puhunan hanggang finish line.

Samantala, ang iba pang participants ay sumabak sa signature Hakot Relay, kung saan bumuo sila ng teams at kailangang magtulungan habang tinatahak ang racecourse at nangongolekta ng grocery items along the way.

Dito talaga nagkaroon ng kakaibang twist ang event.

Sa Hakot Relay, teamwork ang kailangan para ma-strategize kung paano mabilis na makakaikot sa course habang kinokolekta ang mga grocery items.

Sa 8K Individual Challenge naman, individual endurance at determination ang labanan.

“We wanted to offer runners a fresh and enjoyable way to challenge themselves, with the ‘hakot’ mechanic adding a playful and uniquely Puregold twist to the race,” ani Ivy Hayagan-Piedad, Puregold senior marketing manager.

Pagkatapos ng race, nakuha ng participants ang kanilang race-day rewards at nagkaroon din sila ng pagkakataong dumaan sa iba’t ibang sampling booths ng participating brands. Nagkaroon din ng sponsor-led activities sa stage bago nagtapos ang event sa awarding ceremony.

At siyempre, hindi kumpleto ang Hakot Relay experience kung walang grocery haul.

Ang mga participants ng team Hakot Relay ay umuwi na may Grocery Sling Bag at Finisher’s Grocery Bag.

Pero may special surprise naman para sa mga nakatapos ng solo 8K.

With the introduction of the 8K Individual Challenge, mas pinalawak ng Puregold Hakot Relay ang paraan kung paano maaaring makiisa ang mga runners—whether as a team or as an individual—habang ine-enjoy ang fun and uniquely Filipino experience ng ‘hakot’.

---

DIREK LOUIE, AMINADONG NAGING DESPERADO NANG ‘DI MAGING BEST ACTRESS SI ROBB

SOBRANG flattered ni Robb Guinto kapag sinasabing isa siya sa mga sexy actresses na hindi lang pagpapa-sexy ang alam dahil mahusay din siyang umarte.

Ang latest film niyang Desperada, directed by Louie Ignacio ay naging bahagi ng Sinag Maynila Independent Film Festival at nakakuha siya ng Best Actress nomination, habang ang co-actor at boyfriend naman niyang si Yasser Marta ay nanalong Best Supporting Actor.

“Kailangan po kasi talagang panoorin nila ‘yung pelikula namin,” sey ni Robb sa recent presscon for Desperada. 

“‘Di lang porke’t nakikita nila na mayroong sexy scenes… usually kasi, ang mga manonood natin, ang ginagawa nila, ini-skip nila, eh. ‘Di nila pinapanood nang buo, ‘di nila naiintindihan ‘yung istorya na gustong ihatid ng pelikula.”

Pabiro namang natanong si Direk Louie kung hindi ba siya naging desperado nang hindi manalo si Robb bilang Best Actress.

“Sa totoo lang, desperado. Aaminin ko, dahil nakita ko ‘yung performance talaga ni Robb. Ang laki ng ipinagbago n’ya pagdating dito sa Desperada. Ibang-iba siya rito.

“Nabigla ako nu’ng idinidirek ko na s’ya kasi may atake. ‘Di lang basta umarte sa harap ng camera, ‘Eto ang role ko,’ sa kanya, iba ‘yung ipinakita n’ya, ‘yung lalim ng acting.

“So, sabi ko, ‘Magiging Best Actress ‘to.’ Pero sabi ko, sanay naman ako sa mga festivals, iba pa rin kasi ang mga jury, so sabi ko, para sa ‘kin, s’ya ang Best Actress,” sey ni Direk Louie.

For Robb, siyempre ay gusto rin daw niyang manalo, pero as long as ginawa raw niya ang kanyang best ay very thankful na siya sa pagtitiwalang ibinigay sa kanya.

Kasama ni Robb sa Desperada sina Mhack Morales, Julianne Richards, Sue Prado, at Mercedes Cabral.