Matagumpay ang unang larga ng IBC 1-On-1 Tourney

ni MC - @Sports | June 02, 2021

Maraming sporting events ang natigil sa kasagsagan ng pandemya dulot ng COVID-19, kabilang na ang indoor sporting events. Magandang pagkakataon ito para sa Isolation Basketball Championship (IBC) para ilunsad ang kanilang 1-On-1 Tournament.

Ilan sa mga sumalang sa 1-on-1 tournament ay sina dating Barangay Ginebra guard Teytey Teodoro, Arnaud Noah of San Beda, Pampanga’s pride Mark Tamayo, Christopher Lagama of the Quezon Barons, Marvin Baracael at Raymart Amil in the men’s division.

Bilang panimula, sinubukan ni Justin Tan, chief executive officer at founder ng IBC, na makipag-tie up sa NBL. Si Tan ay siya ring head coach ng GlutaGence Glowboosters, isa sa mga kasaling koponan sa WNBL.

Sa women’s division, bumandera rito ang dating national women’s team player at isa na ngayong Pinay import na si Allana Lim at La Salle stalwart Snow Peñaranda. Sumali rin dito sina Jhen Crystelle Angeles, Angelica de Austria, Stephanie Ventura, Nicole Cancio, Jo Razalo, Girly Villflores, Jolina Go at Nicole delos Reyes. “It’s now happening - skill versus will. Ang madalas na sinasabi ng mga tao kapag 1-on-1 tournament, laging advantage yung height. But here, we put more emphasis on the weight of the players. Kung matangkad nga kalaban mo pero kulang sa weight, madali lang siyang maitutulak,” ani Tan, na siya ring head coach at team owner ng Mindoro Tamaraws sa Maharlika Pilipinas Basketball League.

Ang La Salle Greenhills’ boys basketball team ay isa rin sa mga hinahawakan ni Tan. Sa naturang 1-on-1 tournament, naipamalas ni Teodoro ang kahalagahan ng tamang timbang at lakas para talunin si Noah, isang Cameroonian. “Kahit mukhang dehado si Teodoro, nanalo pa rin siya,” dagdag ni Tan. “This shows the skill set of Filipino players who can be at par against other countries. We’re happy with the success of the event and we couldn’t wait for the next leg of this event.”

Hindi na bago sa panlasa ng Pinoy basketball fans ang larong 1-on-1. Mula pa noong dekada 70 sa PBA, nakita natin kung paano naging Kings Of The Hard Court sina Manny Paner, Philip Cezar, Ramon Fernandez at Kerby Raymundo.