ni Vinia Vivar @Frankly Speaking | Abril 22, 2024
Pinagsisihan ni Maine Mendoza na ipinagupit niya ang kanyang buhok sa ibang bansa.
Ipinost ni Maine sa kanyang TikTok account ang kanyang bagong short hair at sa caption ay ipinahayag niya ang kanyang pagkadismaya.
“When you are in a foreign country and you make a spontaneous decision to get a haircut at a well-known hair salon for the experience and spontaneity only to regret it later. Post ko pa din, for the occasional TikTok content,” caption ni Maine.
Kaya ipinost din niya ito sa kanyang X account (dating Twitter), at nag-reply siya sa isang netizen na nagkomento ng, “Ang iksi na ng hair mo!”
Sagot ni Maine, “Alam ko po, iniyakan ko na nga, 'di ba?”
Pero marami naman ang nagpalakas ng loob niya at sinabing bagay naman sa kanya ang new haircut.
Narito ang ilan sa mga comments:
“Cute ka pa din kahit anong haircut.”
“Ganda pa rin namaaaaaaan!”
“It’s actually not that bad, it will quickly grow back… for a minute there I thought you had a pixie haircut.”
“Luuhhh super-ganda naman.”
“Okay lang, bagay pa rin sa 'yo, maganda ka pa rin, Maine Cutie.”