MAINE AT ARJO, NAGPAKALIGAYA SA SIARGAO

ni Nitz Miralles - @Bida | November 7, 2021

Nasa Instagram ni Maine Mendoza ang photo nila ni Arjo Atayde habang nagbabakasyon sa Siargao at para roon ituloy ang celebration ni Arjo na 31st birthday last November 5.

“Happy birthday” lang ang caption ni Maine sa larawan nila ni Arjo na kinakiligan ng ArMaine fans nila at ayaw namang paniwalaan ng ilang AlDub fans. Ito’y kahit “happy for you guys” ang comment ng mga taga-showbiz kina Maine at Arjo.

As usual, may mga nagsasabi pa ring edited at fake ang photo nila ni Arjo na ipinost ni Maine.

Lihis ito sa narrative nila na hindi fake na tao si Maine. Ibig sabihin, hindi papayag si Maine na edited at fake ang photos na ipo-post sa kanyang IG feed.

Sa birthday salubong pa lang para kay Arjo, magkasama na sila ni Maine sa bahay ng aktor, kasama siyempre ang pamilya nito at ilang kaibigan. Sa video, makikitang komportable si Maine sa piling ng family and relatives ni Arjo.