Mag-BFF talaga… RUFFA AT SUNSHINE, PAREHO NG KAPALARAN SA ASAWA

ni Beth Gelena @Bulgary Files | July 23, 2023

May heartwarming birthday message si Ruffa Gutierrez para sa kaibigan na si Sunshine Cruz na nag-birthday last July 18.

Sa Instagram ni Ruffa ay ibinahagi niya ang larawan nila ng mestisang aktres kasama ang dalawa pa nilang kaibigan na sina Karla Estrada at Vina Morales.

Sa caption, mababasa ang genuine admiration ni Ruffa kay Sunshine sa pagiging strong, independent and hardworking lady nito.

"Happy birthday to a strong, independent, hardworking lady I am proud to call my friend and sister. I wish you all the happiness and success in the world, @sunshinecruz718. Cheers to more laughter and less tears together! Xx #FriendsForever."

Parehong hindi sinuwerte sa unang asawa sina Ruffa at Sunshine, pero ngayon, balitang may Herbert Bautista si Ruffa as boyfriend, habang back to being single naman si Sunshine matapos makipaghiwalay kay Macky Mathay dahil mukhang nainip ang aktres sa alok na kasal ng BF.