Luis, talo sa pagka-vice-gov… JESSY, SINABIHAN NG NETIZEN NA BIGLANG NAGING MAKA-DIYOS, PUMALAG

ni Nitz Miralles @Bida | May 14, 2025

Photo: Jessy Mendiola - IG

Hindi kami sure kung lumabas na ang result ng botohan sa Batangas nang mag-post ng reels si Edu Manzano, pero swak ito sa naging resulta ng unang pagsubok sa pulitika ng anak niyang si Luis Manzano.

Mensahe niya, “Dear Son, I love you. I’m proud of you. I believe in you. I’m here for you. You’re important to me. Love, Dad.”

Hopefully, hindi maging rason para hindi na uli pumasok sa pulitika si Luis ang resulta ng katatapos na eleksiyon. In fact, positive ang mga comments sa kanya at sa kanyang pamilya. Marami pa rin ang nagmamahal kay Luis at sa kanyang pamilya.

Anyway, hindi nakapagpigil si Jessy Mendiola na sagutin ang comment ng isang netizen na, “Biglang naging maka-Diyos. Hehehe!”

Dahil ito sa post ni Jessy patungkol sa asawa.

Sagot ni Jessy, “Matagal na po akong naniniwala sa Maykapal. Sana, ‘wag pati faith ng isang tao ay gawing issue rin.”

---

Dating governor…

BF NI YASSI, WAGING CONG. SA CAMSUR

NASILIP namin ang Instagram (IG) Story ng boyfriend ni Yassi Pressman at naiproklama na palang winner sa pagiging congressman ng 2nd District ng Camarines Sur na si Luigi Villafuerte. 

So, hindi na governor si Luigi, congressman na, kaya siguradong super proud si Yassi sa dyowa niya.

Biniro nga si Yassi ng mga netizens na galawang mag-asawa na sila ni Cong. Luigi dahil sa Camarines Sur siya bumoto sa katatapos na elections. Sabay pa silang bumoto at sabi ni Yassi, proud siyang iboto si Luigi na true public servant daw.

Nakita raw ni Yassi kung paano magtrabaho si Luigi, kakaiba ang dedikasyon, sobrang sipag, magaling at matalino. Saka, mahal ng tao si Luigi at mahal na rin siya ng mga kababayan ng dyowa.

In fairness kay Yassi, nag-effort mag-aral ng salitang Bicolano, patunay na mahal at inirerespeto niya si Luigi. 

Abangan natin ang bagong dagdag na “power couple” kapag dinala na ni Luigi sa Kongreso si Yassi sa proklamasyon ng mga winners.

---

HINDI nagustuhan ng girlfriend ni Carlos Yulo na si Chloe San Jose ang comment ng isang netizen na kamukha niya ang controversial motovlogger na si Yanna. 

Sa tanong ng netizen na, “Bakit magkamukha kayo ni Yanna?” sagot ni Chloe, “Do I look like I know the answer to that? Paki-gamit po utak, ha? I don’t have the patience today to answer properly, do’n ka sa faraway.”

May mga nagsabi ngang magkamukha sina Chloe at Yanna, pero may mga naniwala namang hindi sila magkamukha. 

Ang mga tumitingin na lang siguro ang makakapagsabi kung magkamukha nga ang dalawang dilag.

Naiintindihan ng mga netizens ang reaction ni Chloe. Ang nega nga naman ng dating sa tao ni Yanna, kaya mahirap nang madamay pa siya. 

Nakalimutan na nga ang controversy nila ni Carlos with his parents, tapos ikokonek na naman siya sa isang kontrobersiya.

---

SIGURADONG aabangan ng mga dadalo sa convention ng Puregold ang pagdalo ni Bea Alonzo na napapabalitang girlfriend ni Vincent Co, eldest and the only boy na anak ng owner ng Puregold.

Nakalagay sa announcement na sa Day 2 ng Puregold Convention, sa May 16, 2025 ang schedule ng appearance ni Bea at siguradong present si Vincent. 

Suwerte kung ganoon ng mga dadalo sa second day ng convention dahil mapapanood nila ang latest power couple in business and entertainment industry.

Marami ang nagkainteres na dumalo sa May 16, kaya lang, napili na yata ang mga puwedeng maka-attend, kaya hindi n’yo pa rin masisilayan sina Bea at Vincent at ang mga nakakuha ng tiket ang makakakita sa dalawa.

‘Kaaliw pala ang mga comments na sigurado raw na kundi sa Puregold ay sa S&R na naggo-grocery si Bea dahil kay Vincent. Baka kasi dati, sa iba siya naggo-grocery gaya ng Lander’s at SM Supermart.