LUIS, NIRESBAKAN ANG NETIZEN NA NAGKALAT NA BREAK NA SILA NI JESSY

Julie Bonifacio - @Winner | December 2, 2020

Three days before ng birthday ni Jessy Mendiola ay isang matamis na pagbati agad ang ipinost ng kanyang boyfriend na si Luis Manzano sa Instagram account nito nu'ng Lunes, November 30.

Kasama ng pagbati ay ipinost ni Luis ang isang old picture nila ni Jessy.

Caption ni Luis sa picture nila ni Jessy, "Hi, soon to be birthday girl."

May naalala si Jessy sa piktyur na ipinost ni Luis at sabi niya sa comment section, "Omg... our first ball together! This was four years ago!"

Kinumpirma naman ito ni Luis when he replied sa comment ni Jessy, "@señorita_jessy - yeth (yes)!"

Nag-react si Luis sa netizen na akala niya ay minura siya.

Post kasi ng netizen, "Pakasal na mo."

Pinalagan naman ni Luis ang isa pang netizen na nag-comment na break na sila ni Jessy.

Reply ni Luis sa netizen, "Ok po. Nakalunok ka ba ng buto ng durian?"

Natawa naman ang iba pang followers ni Luis sa naging sagot niya sa naturang netizen.

"Parang mas alam niya pero 'di mo alam na break na pala kayo."

Samantala, may nag-post naman ng comment kung saan pinuri ng netizen ang service na na-experience niya sa pagsakay sa taxi business ni Luis and his partners, ang LBR Taxi.

"Nakasakay po ako sa taxi n'yo at super-marespeto ng driver n'yo, si Kuya Rolly. At ang dami niyang kuwento kung gaano kabuti ang puso n'yo sa kanilang mga drivers n'yo... Napa-sana all nga ako sa kanya, eh... Ingat po lagi and stay safe."

Nagpasalamat naman si Luis sa comment ng netizen.