LUCY AT HEART, TAOB NI MAYOR LACUÑA SA PAGIGING BEST DRESSED SA SONA

ni Beth Gelena - @Bulgary Files | July 27, 2022

Naglabas ang isang entertainment site ng Top 10 Best Dressed ng mga nagsidalong pulitiko at personalidad sa SONA 2022 ni Pangulong Ferdinand Marcos, Jr. last July 25.

Pabolosa ang gown na suot ng mga asawa ng pulitiko at maging ang mga senadora at mayora.

Nangunguna sa kanilang listahan ang mayor ng Manila na si Hon. Honey Lacuña na ang designer ay si Jo Rubio.

Pumangalawa ang misis ni Congressman Richard Gomez, ang mayora ng Ormoc City na si Lucy Torres-Gomez na gawa naman ni Randy Ortiz.

Pumangatlo ang actress-fashion icon na si Heart Evangelista, misis ni Senator Chiz Escudero. Si Mark Bumgarner ang nag-design ng dalawang gowns ni Heart.

Pang-apat naman ang former beauty queen na misis ni dating Vice-Gov. and now Cavite 1st District Cong. Jolo Revilla na si Angelica Revilla na gawa ni Rob Ortega ang gown.

Number 5 Best Dressed si Bernadette Barbers in Paul Cabral designed gown.

Number 6 si Cong. Len Alonte na likha ni Michael Leyva.

Best Dressed #7 Kathryna Yu-Pimentel also in Michael Leyva.

Pasok naman sa No. 8 si Sen. Nancy Binay na gawa nina Randy Ortiz at Michael Leyva.

Nagpalit kasi ng gown ang senadora after ng session ng mga senador bago sila tumungo sa SONA.

Number 9 Best Dressed si Usec. Emmeline Aglipay-Villar na gawa naman ni Lulu Tan-Gan.

Best Dressed #10 si Marga Nograles in KAAYO Modern Mindanao.

Mas napansin ng mga netizens ang kasuotan ni Senadora Nancy.

Anila, "Level-up si Sen. Nancy."

May nagtanong, "Question po. Bakit may iba na dalawang dress? Hati po ba 'yung event? Curious lang po."

May nagpaliwanag, "Kung mapapansin mo, halos 'yung mga tig-2 ang dress ay mga senador or asawa ng senador. May event din kasi sila sa Senado kanina, and since sa House of Rep. naman 'yung SONA, may time pa sila na magpalit ng dress."

"Magaganda 'yung mga gowns na may color. Honey Lacuña and Marga Nograles for me on this round. The rest ng ladies na naka-white looks like a bridal gown to me. Puwedeng inspiration if bet mo ang mala-Filipiniana touch. Love those who dare the bright and bold colors!

"Same! Best dress for me Marga Nograles, but Best Dressed si Mayor Honey. :)"

"The gown of Marga looks like Anna’s of Frozen. Lol!"

"Inferlu kay Mayor Honey, ang ganda ng silver gray hair niya. Si Senadora Nancy, ilang beses na siyang nasa Best Dressed. Bumabawi si Madame."

"Grabe ang style development ni Sen. Nancy. Parang kailan lang, pinagtatawanan siya ng madla dahil sa parachute dress niyang makulay."

"During pictorials, Sen. Nancy caught my attention. I'm happy for her kasi 'di na siya gagawing katawa-tawa ng iba (which I hope, hindi rin mangyari sa iba). No one deserves to be ridiculed especially dahil lang sa physical appearance."

In fairness, napuri rin naman sina Mayor Lucy at Heart.

"Parang 'di tumatanda si Lucy, ang ganda pa rin at as always, ang ganda ni Heart. Sosyalin ang dating."

"Maganda rin itong SONA, naipapakita 'yung mga Filipino designers."

In fairness sa entertainment site, ang daming humanga sa Top 10 choices nilang Best Dressed. Kudos din sa mga designers!