ni Vinia Vivar @Frankly Speaking | Abril 15, 2024
Kahit nag-asawa na, ang bongga pa rin ng takbo ng career ni Lovi Poe at mas bumongga pa nga ngayon dahil isa na siyang Hollywood actress.
Natapos na niyang gawin ang Hollywood film na Bad Man, at may kasunod na nga agad ito na isang international film with Canadian actor, Adam Beach.
Bukod sa kanyang international career ay hindi rin nawawalan ng proyekto ang aktres sa Pilipinas. Nasa bansa nga siya ngayon para gawin naman ang Guilty Pleasure with JM de Guzman and Jameson Blake under Regal Films.
Mananatili raw siya sa bansa for a couple of months at okay naman daw sa mister niyang si Monty Blencowe since bibisitahin siya nito sa Mayo.
Maging ang asawa ay excited din for her para sa pelikulang ito dahil kakaiba raw ito sa iba pang mga nagawa niya.
Happy si Lovi na kahit may asawa na siya ay nagagawa pa rin niya ang mga bagay na gusto niyang gawin tulad ng pag-arte.
“Alam naman niya ‘yung line of work ko, there’s no need for approval, he respects my job, and then ‘yun, he’s very excited for me nga na parang for me to do this project, kasi nga it’s been a while and we got to spend some time together during Christmas, so, sabi ko, it’s time to get back to work,” sey ni Lovi sa mediacon ng Guilty Pleasure.
Medyo nakapag-adjust na rin si Lovi sa setup nila ni Monty na back and forth siya sa US and Philippines since nandito ang kanyang trabaho.
“Mahirap pero kung gugustuhin, magagawan naman ng paraan. I’m just very happy that I have the support of my husband who pushes me to do what I want,” aniya.
Nag-e-enjoy daw siya sa kanyang ginagawa at wala siyang reklamo.
Sa Guilty Pleasure ay ginagampanan ni Lovi ang papel na lawyer directed by Connie Macatuno, written by Noreen Capili and Trisha Mae Daez.
Ang nasabing pelikula ay isa sa pet projects ng producer na si Roselle Monteverde.