Lino pasok sa PCO, may pasabog kaya vs. Alan? Abangan

ni Pablo Hernandez @Prangkahan | October 13, 2026

VP SARA AT SEN. BONG GO NAIS NG MAJORITY PINOYS NA MAGING NEXT PRESIDENT AT VICE PRESIDENT SA 2028 ELECTION — Sa latest survey ng Pulse Asia ay parehong nag-top na naman sina Vice President Sara Duterte sa pagka-presidente at Sen. Bong Go sa pagka-bise presidente sa 2028 election.

Pagpapakita 'yan na ang gusto ng majority Pinoys na maging presidente at bise presidente after ng halalan sa May 2028, ay parehong taga-Davao City, period!

XXX

PAGTALAGA NI PBBM KAY LINO CAYETANO SA PCO MAY KAPALIT KAYANG MGA 'PASABOG' LABAN KAY SEN. ALAN CAYETANO — Itinalaga ni President Ferdinand “Bongbong” Marcos jr., (PBBM) si former Taguig City Mayor Lino Cayetano bilang bagong kalihim ng Presidential Communication Office (PCO).

Naku! Dapat kabahan si Sen. Alan Cayetano sa pagtalaga ni PBBM sa kapatid niyang si Lino sa PCO kasi baka sa mga susunod na araw ay may mga "pasabog" nang gagawin ito (Lino) laban sa kanyang kapatid na senador, abangan!

XXX

SEN. ALAN AT SEN. PING HINDI NA MAGKAKASUNDO KASI NAGBANGAYAN NA NAMAN — Nagbangayan na naman sina Sen. Alan Cayetano at Sen. Ping Lacson.

Ayon kasi kay Sen. Alan ay tinatakot daw ni Sen. Ping ang mga kontraktor sa Taguig City para sabihing may mga anomalya sa flood control sa lungsod, at ang resbak naman ni Sen. Ping ay nasa "panic mode" na raw si Sen. Alan kaya gumagawa ng mga hindi makatotohanang kuwento.

Ang patuloy na bangayan nina Sen. Alan at Sen. Ping ay nagpapakita na hindi na magkakasundo ang dalawang senador na ito, period!

XXX

P1.9B UNLIQUIDATED FINANCIAL ASSISTANCE NG PSC SA NSA DAPAT IMBESTIGAHAN NG OMBUDSMAN — Ibinulgar ng Commission on Audit (COA) na may P1.9 billion unliquidated financial assistance ang Philippine Sports Commission (PSC) sa National Sports Association (NSA) noong year 2025.

Aba'y dapat irekomenda na agad iyan ng COA sa Ombudsman na maimbestigahan 'yan kasi baka ang P1.9B na iyan ay nasa bulsa na ng mga tiwali sa PSC, boom!