Libreng makipag-date na 'di mabubulabog, Sharon…KC, GAME NA SA TATE NA TUMIRA HABAMBUHAY

ni Julie Bonifacio - @Winner | August 21, 2021

Speaking of U.S. of A, walang kagatul-gatol na sinagot ni KC Concepcion ng "yes" ang netizen na nagtanong sa kanya kung posible ba na manirahan na siya habambuhay sa Amerika.

Si KC ay kasalukuyang nasa Los Angeles, California, USA for the last couple of months already.

Ang kuwestiyon na 'yan ay ipinukol kay KC during her pa-question-and-answer session with her fans last Thursday, August 19.

Say ni KC, "I've lived and studied in Boston and NYC. There is plenty to do here and I miss Europe very much but have great friends here, too."

True naman si KC d'yan. Ang dami-dami niyang puwedeng gawin sa Amerika lalo na sa LA na sandamakmak ang Pinoy na puwede niyang bentahan ng kanyang Avec Moi jewelries.

Also, she can freely date anyone na type niya sa US na hindi masyadong "mabubulabog" gaya rito.

May chance ring magka-career pa si KC sa LA as an artist.

At kamakailan nga ay nag-post pa si KC sa kanyang socmed asking kung may alam na place ang mga netizens sa LA kung saan puwede niyang tirhan.

Legal resident kasi si KC sa US gaya ng kanyang Megastar mom na si Sharon Cuneta. Sa pagkakaalam namin, legally adopted si KC ng kanyang maternal grandparents, kaya ang legal surname niya ay hindi Concepcion but Cuneta.

There was even a time nga na nagkaroon ng isyu sa apelyido ni KC. Gusto rin kasi siyang i-adopt nina Sen. Francis "Kiko" Pangilinan at Sharon para maging Pangilinan na rin siya gaya ng siblings niyang sina Frankie at Miel.

Dunno lang kung natuloy na i-adopt siya legally nina Sen. Kiko at Sharon. Mukhang hindi.... hmmm.