Legarda, Estrada at mag-utol na Villar, ginagapang ni Chiz para masipa si VP Sara? Abangan sa botohan!

ni Pablo Hernandez @Prangkahan | August 21, 2026

GUTEZA AT 4 DATING SECURITY ESCORTS NI ZALDY CO NA BINAWI ANG TESTIMONYA, DAPAT ISAMA SA KASONG PLUNDER – Matapos bawiin ng apat na dating security escort ni former Ako Bicol partylist Rep. Zaldy Co ang kanilang naunang testimonya na nag-deliver sila ng maleta-maletang pera kay Leyte 1st District former Speaker Martin Romualdez, binawi na rin ni retired Marine Sgt. Orly Guteza ang nauna niyang alegasyon laban sa dating speaker patungkol din sa pagde-deliver sa kanya ng mga maleta na may lamang pera.

Ang pagbawi nila sa kanilang mga testimonya ay hindi dapat mangahulugan na hindi na isasampa ng Office of the Ombudsman ang kasong plunder laban kay Cong. Romualdez.

May nauna nang pahayag si Ombudsman Boying Remulla na walang atrasan ang kasong plunder laban kay Cong. Romualdez. Dapat niya itong panindigan at isama na rin sa kaso si Guteza at ang apat pang dating security escort ni ex-Cong. Zaldy Co para ang mga ito ay magsama-sama sa city jail. Period!

XXX

KAPAG BOMOTO NG 'YES TO IMPEACH' KAY VP SARA SINA SENS. ESTRADA, LEGARDA AT MAGKAPATID NA VILLAR, IBIG SABIHIN, TOTOO ANG 'MARITES' NA NAGAPANG NGA SILA NI SEN. ESCUDERO – May kumalat na isyu sa social media na “ginagapang” daw ni Impeachment Court Presiding Officer Sen. Chiz Escudero sina Sen. Loren Legarda, Sen. Jinggoy Estrada, at magkapatid na Sen. Mark at Camille Villar para bumoto ang mga ito ng “yes” sa impeachment ni Vice President Sara Duterte.

Bagamat itinanggi na ito ni Sen. Escudero, patuloy pa rin siyang pinuputakti ng pambabash mula sa mga Duterte Diehard Supporters (DDS) sa social media.

At kung sakaling dumating ang panahon na sa botohan ay bumoto ng “yes to impeachment” ang apat na senador na ito, ibig sabihin niyan, totoo nga ang kumalat na “marites” sa social media na “ginapang” sila ni Sen. Chiz. Boom!

XXX

MATIBAY ANG TESTIMONYA NINA ENGR. BRICE AT HENRY NA SANGKOT SA FLOOD CONTROL SCANDAL SI SEN. VILLANUEVA – Ang unang “nagpasabog” na nagsangkot kay Sen. Joel Villanueva sa flood control scandal ay si former Department of Public Works and Highways (DPWH)-Bulacan 1st District Assistant Engineer Brice Hernandez. Kalaunan, pinatotohanan naman ito ni former DPWH-Bulacan 1st District Head Engineer Henry Alcantara.

Matibay ang mga testimonya nina Engr. Brice at Engr. Alcantara, kaya’t dapat nang pursigihin ni Ombudsman Boying Remulla ang pagsasampa ng kasong plunder at malversation laban kay Sen. Villanueva para ma-city jail na ito.

Kung dededmahin na lamang ng Office of the Ombudsman, hindi maiaalis sa isipan ng publiko na ilulusot sa kaso ang senador dahil sumapi na ito sa pro-administration na “Gatchalian bloc” sa Senado na mag-i-impeach kay VP Sara. Period!

XXX

AFTER MANALASA ANG 'HABAGAT,' BALIK AGAD SA PROTECTION RACKET SYNDICATE SINA 'ROMY LAKAY,' 'RICKY DUGYOT' AT 'JOHN BAKULAW' SA SOUTHERN PART NG METRO MANILA – Matapos ang pananalasa ng "Habagat," balik agad ngayon ang "Protection Racket Syndicate" nina "Romy Lakay," "Ricky Dugyot" at "John Bakulaw" sa Muntinlupa City, Pasay City, Makati City, Parañaque City, Las Piñas City, Pateros at Taguig City.

Dapat ipahuli na agad ni Southern Police District (SPD) B/Gen. Glen Oliver Cinco ang mga "tongpats" collector na ito para hindi isipin ng publiko na ang "Protection Racket Syndicate" na ito ay pinoprotektahan ng kapulisan sa southern part ng Metro Manila. Boom!