Last minute, atras mag-perform sa Aurora Music Fest… SARAH, PINAGPAPAHINGA NG DOKTOR, BUNTIS NA RAW

ni Janiz Navida @Showbiz Special | May 3, 2026

Photo: Sarah Geronimo - Instagram

Na-sad at dismayado ang ilang nakabili na ng tickets at nakapag-book ng hotel accommodation matapos ang naging announcement kahapon ng G Productions, ang management team ni Sarah Geronimo, na last minute ay kailangan niyang mag-backout sa Aurora Music Festival 2026 na ginanap kahapon, May 2, at ngayong May 3 (Linggo) ang second day sa Clark Global City Pampanga.

Kasama sana ang Popstar Royalty ng SB19, IV of Spades at Ben & Ben na magpe-perform sa naturang music fest.

Sa inilabas na official statement kahapon ng G Productions sa kanilang Facebook account, ipinaliwanag na ang “health condition” ni Sarah ang dahilan ng biglaang pag-backout nito sa Aurora Music Fest.

Panimula ng pahayag, “Dear supporters, festival attendees, and the Aurora Music Festival organizing team,

“We wanted to share an important update regarding Sarah's scheduled performance at Aurora Music Festival today, 2 May 2026.

“Earlier today, after rehearsals, Sarah was examined by her physician and has been advised to take full rest. With her health as our foremost priority, she will unfortunately not be able to perform at the festival.”

Humingi ng paumanhin at pang-unawa ang management team ni Sarah sa mga nag-aabang sa kanya.

“We sincerely apologize to the organizers of the Aurora Music Festival. This situation was entirely unforeseen, and we recognize the significant impact this last-minute withdrawal places on the event and everything that has gone into it. We are truly grateful for the understanding and professionalism of the organizing team.

“We understand that many of you were looking forward to seeing her, and we know this news is disappointing, especially given how close we are to the show. This was not an easy decision, but it was necessary to ensure she can recover properly.”

Dagdag pang pahayag, “Sarah truly values every opportunity to be on stage and connect with all of you. We hope you can extend your understanding and support during this time, and we look forward to sharing more updates on her recovery and upcoming plans soon.

“Thank you for your patience and kindness.”

Umani agad ng samu’t saring komento ang naturang announcement ng G Productions at may ilan ngang nagsabi sa comment section na ibinebenta na nila ang kanilang ticket dahil wala naman pala si Sarah G. na siyang dahilan lang kaya gusto nilang manood sa Aurora Music Festival 2026.

May ilan namang nagduda na baka buntis na nga si Sarah kaya pinayuhan ng doktor na magpahinga na muna.

“Naku baka pregnant na po si Sarah...hoping po talaga.”

“Omg. Baka she’s preggy na.”

“Very unlikely of Sarah to withdraw from a scheduled gig.. Mas malala pa mga gigs niya dati when she’s just starting and nu’ng peak ng stardom niya.. I just hope she’s okay.. Health is the main priority naman talaga.. Sayang lang for those people na gusto siya makita since ‘di na rin siya visible sa TV.. Nakaka-miss naman talaga kasi si Sarah G! Popsters, mahigpit na yakap! Pagaling ka, Sars!”

Sentimyento naman ng isang na-bad trip na fan, “So ganu’n na lang po ‘yun? After namin magbayad at magbiyahe? Sino o ano ang puwedeng maging kapalit nu’n since siya lang talaga ang ipinunta namin dito???”

Well, ‘yun nga lang!