ni Julie Bonifacio @Winner | April 15, 2024
Mahaba ang celebration ng birthday ni It’s Showtime host at Unkabogable Star Vice Ganda.
Ang actual birthday ni Vice ay noong Marso 31. Pero, dahil Holy Week nu’ng mga panahon na ‘yun, bawal magselebreyt, in observance of the Holy Week.
Sumunod na linggo ay naging busy naman si Vice sa paghahanda sa pagpapalabas ng It’s Showtime sa GMA-7, bagama't kasabay din nito ang birthday celebration ni Vice sa show.
Kaya nitong Sabado (April 13) lamang nakapag-party talaga si Vice for her family and friends na ginanap sa malayong lugar sa Nueva Ecija.
Ayon sa interbyu kay Vice, “Life has not been easy pero still, grabe 'yung blessings na natatanggap ko at nating lahat.”
Tanong kay Vice sa interbyu, “Why celebrate in Nueva Ecija?”
Sagot ni Vice, “Gusto ko talaga malayo, para wala kayong choice kundi mag-stay. Because I really want to spend this wonderful night with everyone. Ayoko nu'ng magpa-party tapos kakain, tapos kani-kanyang puslitan. Ang ending, ako na lang at si Ion (Perez) ang nasa venue.
“Sarado 'yung daan, so walang makakauwi. Gusto ko talaga, isang magdamag kasama kayong lahat. Dahil kayong lahat... mahal na mahal ko at mahal n'yo ako at kami kaya gusto kong magkakasama talaga tayo.”
Binonggahan talaga ni Vice ang kanyang ethereal-themed birthday celebration sa Higand Baki Villas Resort and Spa.
Halos kumpleto sa birthday celebration ni Vice sa Nueva Ecija ang mga hosts ng It’s Showtime from Anne Curtis, Jhong Hilario, Vhong Navarro, Kim Chiu, Amy Castillo, Ogie Alcasid, Karylle, Darren Espanto, Teddy Corpuz to MC and Lassy.
At siyempre, nandoon din ang mga executives ng ABS-CBN na sina Carlo Katigbak (president and CEO) at Cory Vidanes (Chief Operating Officer).