Kuwintas ng BFF, kay Imelda raw… ANGEL, TODO-TANGGOL KAY KRIS, TINAWAG NA LAOS NG NETIZENS

ni Beth Gelena - @Bulgary Files | December 04, 2021

Dinepensahan ni Angel Locsin ang kaibigang si Kris Aquino sa akusasyon na ang ginamit daw na necklace ng Queen of All Media sa pelikulang Crazy Rich Asian ay ang jewelry ni dating First Lady Imelda Marcos.’

May inilabas kasing warning si dating Chief Justice Maria Lourdes Sereno na nagsasabing "Everyone who accuses Kris Aquino of stealing the jewels of Imelda Marcos with no proof may face a criminal case."

May mga nag-aakusa raw kasi sa TV host na ang mga gamit niyang alahas ay pag-aari ni Imelda na naiwan sa Malacañang nang bigla silang ma-exile dahil sa People Power.

Ang ina ni Kris na si Cory Aquino ang naupong presidente after na umalis ng bansa ang Marcos family.

Naging presidente rin nu'ng 2010 ang elder brother ni Kris na si Noynoy.

Anyway, dumepensa naman agad ang misis ni Neil Arce sa mga nag-aakusa sa soon-to-be Mrs. Mel Sarmiento, ang former DILG secretary ni P-Noy.

Ani Angel, "She can afford to buy her own jewelry with her hard-earned money, thank you very much."

Bagama't may mga pumuri kay Angel dahil mabuti raw talaga itong kaibigan, ang pagtatanggol ng aktres kay Kris ay parang minasama ng ilang netizens.

"Oo, angel talaga si Angel, 'yung matapang na Angel na kailangang panindigan kasi 'yun ang pakilala ng network niya sa kanya."

"LAOS STRIKES AGAIN… SAWSAW ANYWHERE… SAD BUT TRUE."

Binara naman si Angel ng isang netizen, "Um. Angel, at that alleged specific point in history, she was far from having hard-earned money. Hindi pa siya Queen of All Media noong time na 'yun."

"Hahaha! Oo nga naman. Pero sino nga ba ang totoong magnanakaw at mahilig magpakalat ng fake news? Isip-isip! Hahaha!"

"'Yung necklace na sinasabi nila was the one she wore in Crazy Rich Asian, about two years ago lang, but it was a Bottega Veneta. Kris bought it with her hard-earned money. Imelda's necklace is with PCGG, hindi puwedeng galawin ng sinuman."

Sabi naman ng isang netizen, "How can it be called Marcos' jewels when the money used to buy these were the money they stole from the Filipino people. That's why Marcos is in the Guinness World Records as one of the most corrupt leaders during his time. Asa pa... Never again!"

"OMG! How far fake news have gone. Yes sue them sooner rather than later."

"Lagot kayong nagkakalat ng fake news. May mga abogadong nagbabantay. May mga nag-apologize publicly or else, kakasuhan."

Tama naman ang sinabi ni Angel, kayang-kayang bumili ng mga mamahaling alahas ni Kris, bakit pa siya mangunguha ng gamit ng iba?