Korina, Alex, Dimples, babu na rin sa Dos… PIOLO, JOIN SA SUNDAY NOONTIME SHOW NG TV5

ni Reggee Bonoan - @Sheet Matters | September 15, 2020

Pawang prime artists ng ABS-CBN ang bibida sa mga bagong programa ng TV5 tulad nina 2018 Miss Universe Catriona Gray, Alex Gonzaga, Dimples Romana, Billy Crawford, Piolo Pascual at maraming iba pa.

Ang Brightlight Productions ni dating Congressman Albee Benitez ang nakakuha ng maraming blocktime slots sa TV5 na mapapanood soon.

Base sa ABS-CBN news, ang mga programa ng Kapamilya stars ay ang mga sumusunod:

1. Ang noontime show na Laugh Out Loud na si Johnny Manahan ang producer at sina Billy Crawford, Alex Gonzaga, K Brosas at Wacky Kiray ang mga hosts na makakatapat ng It’s Showtime.

2. Ang Rated Korina ni Korina Sanchez.

3. Sina Ian Veneracion, Dimples Romana, Sue Ramirez, Ariel Ureta at Gloria Diaz ang bida sa Oh, My Dad na ididirek ni Jeffrey Jeturian (direktor ng Be Careful with my Heart)

4. Pasok sina Piolo at Catriona sa Sunday noontime variety show na ididirek ni Mr. Johnny Manahan.

5. Ang rom-com TV series na I Got You naman ang programa nina Beauty Gonzales, Yen Santos at RK Bagatsing na si Dan Villegas ang direktor.

6. At ang sitcom na Sunday Kada Kada Sunday na si Edgar Mortiz ang direktor.

Nagpadala ng sulat sa mga advertisers ang Brightlight Productions president at CEO na si Albee Benitez na ipinakita naman sa ABS-CBN. Isa sa mga araw na ito ay ilo-launch na ng TV5 ang mga bago nilang programa at karagdagang artists.