ni Gerard Arce / VA - @Sports | August 14, 2022
Pinatikman ng Kingwhale-Taiwan nang nag-iisang talo ang Creamline Cool smashers sa 5 sets upang makakuha ng slot sa finals berth ng Premier Volleyball League (PVL) Invitational Conference sa Filoil EcoOil Arena sa San Juan noong Biyernes ng gabi.
Napagtagumpayan ng Kingwhale ang hamon ng Creamline, 25-15, 17-25, 25-22, 24-26, 15-5, at ipalasap sa Cool Smashers ang nag-iisang talo sa semis.
Sa kabila ng pagkatalo, kuwalipikado pa rin ang Cool Smashers sa finals at siyang kakatawan sa Pilipinas para sa Asian Women's Volleyball Championship ngayong buwan.
Ikatlong diretsong panalo ito ng Kingwhale matapos dominahin ang Army at PLDT. Ang panalo ang nagpatalsik sa PLDT (2-2) at Cignal (1-2) at mabigong makarating ng finals.
Ang dalawang team ay maghaharap sa one-game PVL Invitational title ngayong Linggo.
Bago ang rematch sa Creamline, kailangan munang harapin ng Kingwhale ang HD Spikers sa isang non-bearing game. Dumanas ng masaklap na injury ang Creamline nang masaktan si Alyssa Valdez nang aksidenteng matapakan ang paa na De Carvalho sa isang landing. Namuno si Chen Li-Jun sa Taiwanese sa bisa ng 17 points.