Cebu 2028 pagdarausan ng 7th Asian Beach Games

by Gerard Arce @Sports News | April 16, 2026

Photo: Tampok sa 6th Asian Beach Games sina beach volleyball players Sofiah Pagara, Khyle Progella at jiu-jitsu queen Kaila Napolis sa Sanya, China na suportado ni POC president Abraham ‘Bambol’ Tolentino.  (pocpix)

Nakatakdang saluhin ng Cebu ang susunod na hosting ng 7th Asian Beach Games na may nakalinyang 14 sports kasama ang 3x3 basketball, aquatics (open water swimming at water polo), Aquathlon, Beach Athletics, Beach Handball, Beach Kabaddi, Beach Soccer, Beach Volleyball, Beach Wrestling, Dragon Boat, Ju-jitsu, Sailing, Sport Climbing at Teqball.

Suportado ang kompetisyon ng Philippine Sports Commission, bida sina 2-time Beach Games titlists Annie Ramirez kasama ang mga pambato ng women’s beach volleyball team na sina SEAG gold medalist Sunny Villapando, kasama sina Sofiah Pagara, Khyle Progella, at Grydelle Matibag, habang kabilang din ang basketball 3x3 at triathlon, na binubuo nina Raven Alcoseba at Erika Burgos para sa women’s triathlon, habang sina Andrew Remolino, Inaki Lorbes, at Matthew Hermosa para naman sa men’s side.

“It’s been 10 years since the last Beach Games,”  wika ni Philippine Olympic Committee (POC) president Abraham “Bambol” Tolentino, matapos makakolekta ng 2 golds, 4 silvers at 15 bronze medals sa 2016 Da Nang meet, habang may 5 ginto, 10 pilak at 32 tanso ang nakakamit ng bansa sa mga nagdaang kompetisyon.     

Pero susubok muna sa 6th Asian Beach Games ang 'Pinas sa 100 lalahok sa Abril 22 hanggang 30 sa Sanya, China, bilang paghahanda sa 2028.

Nakasandal muli ang kampanya ng national team sa mga pambato ng Jiu-jitsu squad na nagbigay ng 2 gintong medalya noong 2016 edisyon sa Da Nang, Vietnam. Susubukang depensahan ni 2022 Hangzhou Asian Games gold medalist Ramirez ang korona sa women’s ne-waza under-55kgs category kasama si 2025 World Games silver medalist at 2023 SEA Games champion Kaila Napolis.  “Everything and everyone’s ready from opening to closing,” ani Tolentino. “We’re also focused on the closing ceremony in Sanya, where the Asian Beach Games flag will be turned over to representatives from 2028 host Cebu.”

Speed Hitters malakas ang koneksiyon kaysa Chargers

ni Gerard Arce @Sports | February 20, 2026

Photo: Sinamantala ni PLDT High Speed Hitters Kianna Dy ang pag-atake sa harapang depensa ng katunggaling si Gretchel Soltones ng Akari Chargers sa maaksyong laro ng PVL ALL Filipino Conference sa FilOil EcoOil Centre, San Juan City kahapon. ( Bulgar via Reymundo Nillama)  

Mga laro sa Martes

(FilOil Centre)

4 pm – Creamline vs Capital1

6:30 pm – Zus Coffee vs Farm Fresh

Muling nakahanap ng magandang koneksyon sa ikatlo at ikaapat na set ang PLDT High Speed Hitters matapos mabigla sa second set mula sa patuloy na pagbira ni Savannah Dawn Davison tungo sa pagpapanatil ng unbeaten na marka laban sa winless na Akari Chargers sa 25-22, 25-27, 25-21, 25-15, kagabi sa pagpapatuloy ng preliminary rounds ng Premier Volleyball League All-Filipino Conference ngayong hapon sa FilOil Playtime Centre sa San Juan City.

Dahil sa panalo ay makakasama ng High Speed Hitters ang kapwa unbeaten na NXLed Chameleons sa 3-0 kartada na hangad na makakuha ng awtomatikong semifinal berth sakaling mapanatili ang pagkakahawak sa top two spot ng 10-team tournament. 

Tumapos ang Filipino-Canadian Spiker ng kabuuang 18 puntos mula sa 16 atake kasana ang walong excellent receptions, na sinundan ni Majoy Baron sa 14 puntos kabilang ang impresibong pito sa kabuuang 13 blocks, gayundin si Kim Kianna Dy na may 14 marka.

Nag-ambag din ng doble pigura sina Mika Reyes at Alleiah Malaluan na mayroon ring pitong excellent digs, at Jovielyn Prado sa anim puntos, habang namahagi si Kim Fajardo ng 18 excellent sets at dalawang puntos, gayundin si Kath Arado na sumalo ng 26 excellent digs. 

"Siguro ni-remind lang sa system namin na kailangan maraming variety pagdating sa attacks at the same time mag-adjust dun sa defense ng wings ng Akari, kaya kailangan ng patience at mairaos hanggang sa end game," wika ni PLDT head coach Rald Ricafort.

 Bumida para sa Akari si Gretchel Soltones sa 16 puntos mula lahat sa atake kasama ang 13 excellent digs.   

Cheers at suporta ng Pinoy... Lakas ni Eala sa Dubai tilt

ni Gerard Arce @Sports | February 19, 2026

Photo: WTA / Alex Eala at Sorana Cirstea

Damang-dama ni Filipina tennis star Alexandra “Alex” Eala ang ibinibigay na lakas ng suporta ng mga Pinoy na isa sa kanyang naging sandalan upang makaabot sa round-of-16 at makakatapat si World No.32 Sorana Cirstea ng Romania ngayong umaga (oras sa Pilipinas) sa Dubai Tennis Championships sa Dubai Duty Free Tennis Stadium sa United Arab Emirates.

Muling nagpataob ng higher ranking ang 20-anyos na Pinay matapos pasukuin si World No. 45 Hailey Baptiste ng US sa round of 64 sa 6-4, 0-1, sunod nitong dinaig si World No.8 at No.6 seed Jasmine Paolini ng Italy sa bisa ng 6-1, 7(7)-6(5) kahapon ng umaga (oras sa Pilipinas). 

“I think today I came out on fire,” wika ni Eala matapos ang laro. “She’s a great opponent obviously being Top 10. To be able to compete with her at this level is a great achievement for me. She is an incredible fighter, to be sure, but I was very focused and I was able to maintain that throughout the whole match. Every time the opportunity arose, I tried my best to be brave and go for my ball.”

Kinakitaan naman ng mas matinding laban ang Italian tennis star pero muling narinig ang malakas ng cheer at palakpakan ng mga Pinoy sa tiebreak sa loob ng 5000-capacity na stadium para makakuha muli ng motibasyon sa laro.

Sunod na susubukang makalampas ng left-handed Pinay kontra Cirstea, na minsang tumalo rito noong 2024 Madrid Open sa bisa ng 2-6, 7-6, 4-6. Ang 35-anyos na Romanian ay minsan ng napagwagian ang WTA 1000 tournament noong 2024.

Sakaling manaig si Eala ay maaaring sunod na makatapat nito ang mananalo kina No.3 seed at World No. 4 Coco Gauff ng US, na nagwagi ng Grand Slam titles sa 2023 US Open at 2025 French Open, at World Doubles No.1 Elise Mertens ng Germany sa quarterfinals.