KIM, TINAWAG NA SAKIT NG ULO ANG IT’S SHOWTIME, BIGLANG-BAWI

ni Julie Bonifacio - @Winner | November 15, 2021

Ibinalik kay Kim Atienza ng netizens ang comment niya sa Instagram post ni Camille Prats na proud sa kanyang nakatatandang kapatid na si John Prats na direktor na sa FPJ's Ang Probinsyano.

Ini-repost ni Camille ang Instagram post ni John na picture niya with the Megastar Sharon Cuneta na nag-join na rin sa cast ng AP na ididirek ng dating It's Showtime director.

Comnent ni Kuya Kim sa post ni Camille, "Nothing is accidental Mars Camille. Galing ni Lord, ‘no? Iniwas siya sa sakit ng ulo.”

Dahil d'yan, tinawag si Kuya Kim na ipokrito, toxic at ingrato ng mga netizens.

"So, sinasabi ba niyang toxic ang former It’s Showtime family niya? Parang ingrate, ha? Puro lang tayo espekulasyon."

"Lumalabas na ang tunay na kulay ni Kuya Kim!"

"Weird. Bakit kailangang haluan ng negativity ‘yung post ni Camille. Ano ba, Kuya Kim? May work ka na sa kabila. Quiet ka na lang."

"Yeah, ipokrito, parang ingrate, ah? Du’n siya sumikat, mind him! Wala bang etiquette? Sayang, parang smart pa naman."

May nag-comment din na netizen na wala namang workplace na hindi toxic.

"Meron ka bang alam na workplace na hindi toxic? Kahit pangkaraniwang workplace ng kahit sino, merong toxic at puro pulitika sa management."

"Toxic din ‘tong si Kuya Kim, eh, ‘yung puro Bible quotes at prayer na post, tapos friends at supported niya mga adulterers at mga maisyung tao. Hypocrite."

"Friends kasi sila ng dating director."

Mixed reaction naman ang ibang netizens nu'ng may nakita silang comment ng may account name na "Kuya Kim."

Comment-post ni "Kuya Kim,” "Hi, guys! I didn't mean anything personal with what I commented. Being a friend of Direk Bobet, I know how difficult it is to direct a live show like Showtime. Masakit talaga sa ulo, so many factors like live audience feedback, multitasking w/ a skeleton crew, etc. I love my Showtime family and will never say anything bad about them. I edited na my comment on Camille's page because it's causing shade. Walang shade ‘yun, guys.

Mahirap talaga to direct ang It's Showtime. You've supported me all these years and thank you for that. Be safe!"

Reaksiyon ng netizens…

"Uy, napadaan ka dito, Kuya Kim!!!"

"Weeehh, ‘di ikaw ‘yan! Eh, di dapat, back to you guys, hindi be safe LOL."

"Bakit walang weather-weather? Impostor ito."

"Huh? Biglang-kambiyo ka kasi na-bash ka!"