Khan, nangulit hamunin si Pacman, gintong gawad sa PSC Rise Up
ni GA / MC - @Sports | June 30, 2022
May paramdam nang ipinarating si retired light welterweight champion Amir Khan kay Hall of Fame trainer Freddie Roach para maitakda ang laban kay Manny Pacquiao sa isang exhibition matapos matalo ang huli sa kanyang kandidatura sa pagka-Presidente noong Mayo.
"Well, a friend of mine got a phone call from Freddie Roach, who just said that, ‘Listen, we want to get a fight. Manny didn’t win the election. Let’s do like an exhibition with Manny, or maybe a proper fight.’ They want to do it in the UK,” saad ni Khan sa iFL TV.
Sa kabilang banda, inanunsiyo naman ni Pacquiao na retirado na rin siya sa boxing bago niya opisyal na ipinahayag ang kandidatura sa pagka- Pangulo. Huli niyang nakasagupa noong Agosto, 2021 si Yordenis Ugas at natalo siya sa unanimous decision. Pero anumang tsansa ang mamagitan sa dalawa ay depende na sa pagbawi ng retirement ng Pinoy boxing icon.
Samantala, nanatiling nakatuon ang Philippine Sports Commission (PSC) sa pagkilala sa mga namumukod-tanging kontribusyon ng kababaihan at pagpapaunlad ng palakasan ng katutubo sa pamamagitan ng Gintong Gawad (GiGa) 2022.
Tinapos ng Komisyon ang Gintong Gawad Awards 2022 sa Subic Travelers Hotel noong Hunyo 14, 2022, kung saan iginawad ang walong nanalo at dalawang espesyal na citation. Ang mga highlight ng okasyon ay tampok kagabi sa PSC na “Rise Up! Maghubog ka!”
Pinahalagahan ng PSC Women in Sports ni Commissioner Celia Kiram ang suporta ng mga grassroots sa pagtulong sa PSC sa kanilang bisyon ng pagpapaunlad ng kahusayan sa palakasan sa buong bansa at pagpaparangal sa mga homegrown top-performing atletes sa pamamagitan ng iba't ibang programa ng PSC.
Comments