Kaya stop sa serye nila ni Xian… JENNYLYN, MUNTIK MAKUNAN

ni Beth Gelena - @Bulgary Files | November 14, 2021

Muntik na palang makunan si Jennylyn Mercado habang nagte-taping ng teleserye nila ni Xian Lim, ang Love. Die. Repeat.

Dahil mabibigat ang mga eksenang kinukunan sa aktres, naging emosyonal siyang masyado.

Kuwento ni Jen, dinugo siya noon sa set ng LDR. Agad na dinala si Jen sa kanyang OB Gyne.

At doon ay nakumpirmang nagdadalantao na pala siya.

Dala umano ng ilang mabibigat na eksenang ginagawa, hindi inaasahan ng aktres na makaaapekto ito sa kanyang kalusugan.

Nagdesisyon na ring pahintuin muna ni Dennis sa pagte-taping ang fiancée para maging maayos ang pagbubuntis nito.

Sa vlog ni Jennylyn, ibinahagi ng Kapuso couple ang naganap buhat nang malaman nilang mabibiyayaan na sila ng baby na hindi na kailangan pang dumaan sa una nilang plano na surrogacy.

"Sa bigat ng mga eksena ko, napakaemosyonal, tapos 'yung physical requirements nu'ng mga eksena... Hindi ko ine-expect na magbi-bleed ako."

"Kami nagdesisyon na pauwiin si Jen, itigil muna 'yung trabaho para makauwi na siya sa bahay at mas maalagaan siya," sabi naman ni Dennis.

Malapit na ring magpakasal ang celebrity couple. Anila, simpleng kasal lang daw ang magaganap sa kanila.