Kaya nga raw naghiwa-hiwalay… ELY, IPINAGSIGAWANG 'DI SILA FRIENDS NG MGA KAMIYEMBRO SA ERASERHEADS

ni Beth Gelena - @Bulgary Files | May 29, 2021

Sa Spotify podcast na Wake Up With Jim Bacarro at Saab Magalona, guest ng musician couple ang vocalist ng Eraserheads na si Ely Buendia.

Hindi maitatangging sikat na banda ang Eraserheads kaya naman napag-usapan nila ang mga memorable songs ng grupo.

Ayon kay Ely, ang banda nila ay hindi tulad ng kanilang mga contemporaries na Itchyworms at Parokya ni Edgar.

Ani Ely, “We weren’t Itchyworms, Parokya.”

Esplika ng vocalist, nasa realidad lang daw siya.

Na-mention ang kanta nilang Minsan at inamin ni Ely na 'cringe-worthy' ang lyrics ng kanta dahil inakala raw ng mga fans nila na tungkol ito sa pagkakaibigan nila ng kanyang mga kabanda.

Ayon sa singer, wala itong katotohanan dahil in fact, hindi raw sila magkakaibigan at never nga raw silang naging close ng kanyang mga kabanda.

“I don’t wanna break hearts again, but we were never close. We were never friends. That’s why we broke up,” rebelasyon pa niya.

Gayunpaman, nilinaw naman niyang maganda ang naging working relationship niya sa kanyang mga kabandang sina Raymund Marasigan, Marcus Adoro at Buddy Zabala.

Ayon naman kay Jim, hinangaan niya ang grupo ni Ely dahil ni minsan daw ay hindi na-involve sa "drinks for leisure".

Sagot ni Ely, “Never.”