Kasal, 'wag na raw patagalin, baka maudlot pa… KRIS, HULING ALAS NA SI MEL

ni Erlinda Rapadas - @Teka Nga! | November 11, 2021

Labis na ikinatuwa at ipinagpapasalamat ng mga fans at supporters ni Kris Aquino na finally ay nag-propose na ng kasal sa kanya ang BF niyang si Mel Senen Sarmiento.

Sa wakas ay natagpuan na ni Kris ang lalaking tunay na magmamahal at mag-aalaga sa kanya.

Ang dating DILG secretary ang “knight in shining armour” ni Krissy at nakakatiyak siya na may magtatanggol at magmamalasakit sa kanya.

Maging ang anak ni Kris na si Bimby ay botong-boto na kay Mel Sarmiento para sa kanyang Mama Kris.

Well, marami naman ang nagpapayo kay Mel na huwag na niyang patagalin pa at pakasalan na niya agad si Kristeta, kahit na simple wedding lang tulad ng ginawa nina Angel Locsin at Neil Arce.

Ang biruan nga ay baka magbago ang ihip ng hangin at umatras pa si Kris na magpakasal sa kanya.

Pero, sey ng mga netizens, huling alas na raw ni Krissy si Mel Sarmiento at mahihirapan na siyang makatagpo pa ng lalaking kasingbait ni Mel. Matatahimik na ang buhay ni Kris Aquino kapag siya ay naging Mrs. Sarmiento na.