KARYLLE, HANGGANG TINGIN LANG SA MGA BRANDED BAGS, ‘DI BUMIBILI

ni Julie Bonifacio - @Winner | December 13, 2021

Wifey na wifey ang papel ng It’s Showtime host na si Karylle sa kanyang mister na band singer na si Yael Yuzon sa Dubai.

May gig kasi si Yael at ang bandang Spongecola sa Dubai. Siyempre, join si Karylle sa kanyang “hubbyness”.

At ‘yun nga, proud na nag-post ang It’s Showtime host sa kanyang Twitter account na nilabhan niya ang jacket ni Yael habang nasa Dubai ang mag-asawa.

Sa gitna ng sobrang kasiyahan at kabisihan dahil sa Pasko ay nataranta raw siya sa kanyang mga gagawin.

Sa kabila nito, nagawa pa rin daw niyang labhan ang jacket ni Yael bago mag-It’s Showtime.

Tweet ni Karylle, “Alam mo ‘yung sobrang busy ka dahil Pasko na (TYL). Sobrang saya ko sa taranta ko. Pero pinaka-proud ako kasi before Showtime, nalabhan ko pa mga jacket ni @yaelyraz for @SpongeColaPH in Dubai!”

Pag-amin pa ni Karylle, “Alam mo ba ‘yung feeling na ‘yun? Mahirap maglaba, guys. Enemy ko ‘yung washing machine.”

Nakyutan ang mga netizens sa hugot ni Karylle sa kanyang paglalaba.

“ANG CUTE MO MI!! Same vibes ang hirap maglabaaa pero dahil mahal kita, send mo mga labahin, ipaglalaba kita. HAHAHAHA loveyou!!”

“Ma, ilaban mo ‘yan, kayanin mo, please? HAHAHAHAHAHAHA cute.”

Sinang-ayunan si Karylle ng mga netizens na mahirap talaga ang paglalaba. Pero may mensahe ng encouragement si Karylle sa mga netizens na nahihirapang maglaba.

“Don’t give up on your laundry,” reply-tweet ni Karylle.

Sinaluduhan din si Karylle ng ilang netizens for being a supportive wife.

“Salute! Successful career woman and dutiful wife! I'm a super fan! Love you Mistos.”

“So proud of you Ate K!!! Hirap talagang maglaba.”

“Nakaka-proud ka, Mommy... Ako rin, ayoko ng paglalaba.”

Nangumpisal din si Karylle na minsan daw ay tumitingin siya sa mga naka-display na expensive branded bags.

“I just want to confess that sometimes, I look at designer bags…,” tweet ulit ni Karylle.

Komo nga nasa Dubai si Karylle, na-sight malamang ng TV host ang latest and most expensive bags sa mga bonggacious na stores nito sa Dubai.

Pero hanggang tingin lang daw si Karylle sa mga branded bags.

“But I don’t feel anything for them,” isa pang tweet ni Karylle.

Nice to know na hindi pala “nasisilaw” ng mga branded bags si Karylle, unlike ‘yung ibang female celebs. Actually, most of them ay ang hilig-hilig sa mamahaling bags kahit ‘di afford.

Eh, si Karylle, kering-keri niyang bumili kung gugustuhin talaga niya. Pinalaking simple at hindi materyosang tao kasi si Karylle.