Karapatan ng illegitimate child bilang benepisaryo ng SSS

ni Atty. Persida Rueda-Acosta - @Magtanong Kay Attorney | May 27, 2021

Dear Chief Acosta,

Anak ako sa pagkabinata ng aking ama. Namatay sa panganganak ang aking ina at hindi sila ikinasal ng aking ama. Nag-asawang muli ang aking ama, at sa pagkakaalam ko ay may isa silang anak. Gusto kong malaman ang aking karapatan bilang Social Security System (SSS) beneficiary kahit ako ay illegitimate child. May makukuha pa ba ako? – Tonyo

Dear Tonyo,

Ang sagot sa iyong katungan ay opo. Sa ilalim ng Republic Act (R. A.) No. 11199, o “Social Security Act of 2018,” ikaw ay binibigyan ng limampung porsiyento (50%), o kalahati ng bahagi ng isang lehitimong anak. Narito ang sipi ng batas na tumatalakay sa iyong kalagayan:

“Section 8. Terms Defined. - For purposes of this Act, the following terms shall, unless the context indicates otherwise, have the following meanings:

xxx

(k) Beneficiaries – The dependent spouse until he or she remarries, the dependent legitimate, legitimated or legally adopted, and illegitimate children, who shall be the primary beneficiaries of the member: Provided, That the dependent illegitimate children shall be entitled to fifty percent (50%) of the share of the legitimate, legitimated or legally adopted children: Provided, further, That in the absence of the dependent legitimate, legitimated or legally adopted children of the member, his/her dependent illegitimate children shall be entitled to one hundred percent (100%) of the benefits. In their absence, the dependent parents who shall be the secondary beneficiaries of the member. In the absence of all the foregoing, any other person designated by the member as his/her secondary beneficiary.” (R. A. No. 11199)

Samakatuwid, kahit na ikaw ay anak sa pagkabinata ng iyong ama, hindi nangangahulugang wala ka nang karapatan bilang kanyang beneficiary sa ilalim ng bagong Social Security System (SSS) Law. Ngunit kung matiyak mong walang lehitimong anak ang iyong ama, makakukuha ka ng isandaang porsiyento (100%), o ang buong bahagi, basta’t ikaw ay dependent, o nakaasa sa iyong ama noong siya ay nabubuhay pa.

Sana ay nabigyan namin ng linaw ang inyong katanungan. Ang payong aming ibinigay ay base lamang sa impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala.