ni Erlinda Rapadas @Teka Nga | April 29, 2024
HINDI na maganda ang mga ginagawa ng mga fans ni Daniel Padilla a.k.a. Deejay na tumutuligsa kay Kathryn Bernardo.
Hirap pa silang maka-move on at patuloy na isinusumbat kay Kathryn na wala siyang utang na loob sa dating nobyo. Sumikat lang daw si Kath at nagkaroon ng mansiyon dahil pumareha kay Daniel.
Pero buwelta ng mga fans ni Kath, sisikat din ba si Daniel Padilla kung hindi sila naging love team ni Kathryn? At malaki rin ang kinita ni Daniel dahil kay Kathryn.
Sa loob ng eleven years ng kanilang love team ay totoong minahal ni Kath si Deejay. Karapatan ni Kathryn na magbago kung hindi nasusuklian ng katapatan ang kanyang pagmamahal.
At tama si Kathryn sa pagsasabi sa mga fans ni Daniel na ‘wag maging judgmental dahil hindi alam ng mga ito ang totoong nangyari sa relasyon nila ni Daniel. Mag-move on na sila upang pare-pareho silang magkaroon ng peace of mind.
Comments