Kalat na, sa Feb. 15… JESSY, UMAMING TULOY NA ANG CHURCH WEDDING NILA NI LUIS

ni Vinia Vivar @Frankly Speaking | February 5, 2024

Kinumpirma ni Jessy Mendiola na finally ay ikakasal na sila ni Luis Manzano sa simbahan.

Matatandaang ikinasal ang mag-asawa via civil ceremony noong February, 2021.

Ayon kay Jessy sa panayam ni MJ Felipe ng ABS-CBN, all-set na raw sila ni Luis sa gaganaping church wedding.

"We're not really hiding it naman. Finally, matutuloy na rin 'yung church wedding namin," aniya.

Ito raw talaga ang kanilang dream wedding na hindi nila nagawa sa unang kasal dahil nga pandemic pa that time at hindi makakauwi ng Pilipinas ang pamilya niyang nasa US.

“Finally, makakauwi na rin 'yung family ko, 'cause when we did our civil wedding noong 2021, wala pa 'yung family ko noon,” she said.

“Nakakatuwa, kasi my whole family is coming and finally they can meet Rosie,” sey pa ng aktres.

Aniya ay intimate lang daw ang kanilang magiging church wedding tulad din ng kanilang civil wedding.

“It’s an intimate wedding again, we’re not really hiding it but we’re not putting it out there naman. This time kasi, si Luis nga sweet eh, sabi niya, ‘I want you to have your wedding of your dreams, with your family and with the Lord,’” sey ng misis ni Luis.

Of course ay may participation daw sa wedding ang first child nila ni Luis na si Rosie or Peanut.

“Little bride siya, nae-excite ako, super. And naglalakad na siya, sana lang makayanan niyang maglakad sa aisle,” sabi ni Jessy.

Hindi na sinabi pa ng aktres kung kailan ang kanilang church wedding pero ang bulung-bulungan daw ay ngayong Feb. 15 na ito magaganap.