ni Ador V. Saluta - @Adore Me! | March 5, 2021
Nitong mga nakaraang araw, kumalat sa social media ang ilang posts mula sa mga netizens kung saa'y sinasabi nilang tatapusin na raw ngayong April, 2021 ang nangungunang primetime seryeng Ang Probinsyano na pinagbibidahan ni Coco Martin.
Agad itong pinabulaanan ni Sir Kane Choa, ABS-CBN Corporate Communications head, at sabi'y, “It is not true.”
Dagdag pa ni Sir Kane, maglalabas sila ng isang official statement sa mga darating na araw.
Nitong Miyerkules, March 3, isang report mula sa INQUIRER.net Lifestyle ang nagsasabing ang FPJ's AP ni Coco Martin will end sometime next month, April, 2021.
Ayon pa sa ulat, “A source told us that the final taping week is already scheduled and many of the cast members are already aware that the show will already have its finale next month (April).”
May kapareho ring post ang Daily Tribune, isang art card on social media na may headline na, "Coco Martin's FPJ's Ang Probinsyano to finally end next month."
Base sa ilang insiders (production staff), the cast had just finished its sixth cycle of locked-in taping for the series.
Agad na binawi ng nasabing staff na sila'y babalik para i-shoot ang seventh cycle “next month,” kung saa'y ang buong cast will tape “good for more than a month na episodes.”
Sa panayam ng PEP.ph, naitanong sa insider kung ito rin 'yung last taping cycle ng FPJ’s Ang Probinsyano, na sinagot naman ng insider ng, “Cycle 7 is not the final cycle.”
Nagsimulang mamayagpag sa ere ang FPJ’s Ang Probinsyano noong Setyembre, 2015 sa Kapamilya Network at base ito sa iconic film ng the late Fernando Poe, Jr., kung saa'y ginagampanan ni Coco ang role ni Carlo Dalisay, isang pulis at tagapagtanggol ng kanyang mga nasasakupan.
Dahil sa may pinakamataas na rating sa primetime block, patuloy pa ring umeere ang programa on its five months as 'unkabogable' primetime series since February, 2021.
Kahit na ipinagkait ng Kongreso ang hiling na bagong prangkisa ng ABS-CBN, patuloy pa ring napapanood ang FPJ’s Ang Probinsyano sa mga ABS-CBN Entertainment’s broadcast platforms tulad ng A2Z Channel 11 on free analog and digital TV, Kapamilya Channel on cable, and Kapamilya Online Live on YouTube and Facebook.