Kailan Ipinagbabawal Sa Menor-De-Edad Ang Pagsakay Sa Motor?

ni Atty. Persida Rueda-Acosta - @Magtanong Kay Attorney | June 10, 2021

Dear Chief Acosta,

Mayroon akong kapatid na sampung taong gulang. Ako na ang nag-aalaga mula nang kami ay maulila, may dalawang taon na ang nakararaan. Pinipilit kong magsikap upang maitaguyod siya, ngunit dahil natanggal ako sa aking trabaho ay napilitan na lamang akong magmaneho ng motor sa ngayon bilang rider sa aming probinsiya. Ang nais ko lamang malaman ay kung mayroon bang batas na nagbabawal o naglilimita sa pagsakay ng menor-de-edad sa motor? May katangkaran naman ang kapatid ko at naitanong ko ito dahil gusto ko lang malaman kung sakaling wala akong mapag-iwanan sa kanya. Naiiwan ko naman siya sa aming kapitbahay sa tuwing mayroon akong biyahe, pero sumasagi sa isip ko iyong mga posibilidad kaya nais ko sanang magkaroon ng kaalaman sa ating batas lalo na kung mayroong kaakibat na kaparusahan – James

Dear James,

Ang batas na mayroong saklaw sa iyong nais malaman ay ang Republic Act No. 10666, o mas kilala bilang “Children’s Safety on Motorcycles Act of 2015.” Para sa inyong kalaaman, nakasaad sa nasabing batas ang sumusunod:

“Section 4. Prohibition. – It shall be unlawful for any person to drive a two (2)-wheeled motorcycle with a child on board on public roads where there is heavy volume of vehicles, there is a high density of fast-moving vehicles or where a speed limit of more than 60/kph is imposed, unless:

ppppppppppppp. The child passenger can comfortably reach his/her feet on the standard foot peg of the motorcycle;

qqqqqqqqqqqqq. The child’s arms can reach around and grasp the waist of the motorcycle rider; and

rrrrrrrrrrrrr. The child is wearing a standard protective helmet referred to under Republic Act No. 10054, otherwise known the “Motorcycle Helmet Act of 2009.”

Sa pangkalahatan at para na rin sa kaligtasan ng iyong sampung taong gulang na kapatid ay mas makabubuti na hindi mo siya isakay sa motorsiklo. Kung sadyang kailangan at walang ibang options na masasakyan ninyo, mahalagang masunod ang mga rekisitos na nakasaad sa nabanggit na probisyon ng batas.

Tandaan na ang anumang paglabag sa batas ay mayroong karampatang parusa. Kaugnay nito, nakasaad sa Section 6 at Section 8 ng R. A. No. 10666 ang sumusunod:

“Section 6. Penalties. – Any person who operates a motorcycle in violation of Section 4 of this Act shall be fined with an amount of three thousand pesos (P3,000) for the first offense; five thousand pesos (P5,000) for the second offense; and ten thousand pesos (P10,000) for the third and succeeding offenses.

Moreover, for the third offense, the driver’s license of the offender shall be suspended for a period of one (1) month.

Violation of these provisions beyond the third time shall result to automatic revocation of the offender’s driver’s license.

x x x Section 8. Qualifying Circumstances. – If, in violation of the provisions of this Act, death shall have resulted or serious or less serious injuries shall have been inflicted upon the child or any other person, a penalty of one (1) year imprisonment shall be imposed upon the motorcycle rider or operator of the motorcycle involved without prejudice to the penalties provided under Act No. 3815, otherwise known as "The Revised Penal Code of the Philippines”, as amended.”

Sana ay nabigyang-linaw ang inyong katanungan. Ang payong aming ibinigay ay base lamang sa impormasyong inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala.