Kable ng mga CCTV camera sa EDSA, tinangay
- BULGAR
- 1 day ago
- 1 min read
ni Gina Pleñago @News | June 27, 2025
Photo File: Metro Base / NCAP - MMDA
Ninakaw ang kable ng mga naka-install na CCTV camera sa EDSA-Guadalupe.
Ayon sa Metropolitan Manila Development Authority (MMDA), ninakaw ang kable ng walong camera.
Nitong Hunyo 20 nang ikabit umano ang mga camera para sa No Contact Apprehension Policy (NCAP) at Hunyo 24 nang matuklasan ang nangyaring pagnanakaw.
"Newly installed po 'yung mga camera na nanakaw 'yung mga cable. During testing last week, may na-detect po na humming sound so they were disconnected for troubleshooting.
Kaya nu'ng 24 lang po talaga nalaman na nanakaw na ang mga cable," ayon sa MMDA.
May hawak nang CCTV footages ang mga otoridad upang matunton ang mga nagnakaw ng kable.
Comments