2 bus driver, postibo sa droga

ni Gina Plenago @News | October 28, 2026

Photo: Random drug testing. PITX / MMDA

Dalawang bus driver ang nagpositibo sa paunang random drug test ng Metropolitan Manila Development Authority (MMDA) sa PITX at tatlong bus terminal sa Cubao noong Oktubre 26, bilang paghahanda sa Undas 2026.

Sa 118 driver na sinuri, 116 ang negatibo. Pansamantalang pinagbawalang bumiyahe ang dalawa habang hinihintay ang confirmatory test. Kapag nakumpirmang positibo, babawiin ng Land Transportation Office (LTO) ang kanilang lisensya.

Sinuri rin ng mga awtoridad ang fire extinguishers at emergency equipment ng mga bus upang matiyak ang kaligtasan ng mga pasahero.

Motorista, bantay-sarado... Balik-NCAP, simula OCT. 5

by Mervin Reyes @News | October 1, 2026

Photo: NCAP File

Muling ipatutupad ang No-Contact Apprehension Policy (NCAP) sa mga kalsadang sakop ng Metropolitan Manila Development Authority (MMDA) simula Lunes, Oktubre 5.

Ilang local government units (LGUs) sa Metro Manila ang nag-anunsyo ng muling pagpapatupad ng NCAP, kung saan 24 oras na imo-monitor ang mga paglabag sa batas-trapiko.

Noong Mayo 2025, bahagyang ipinatupad muli ang NCAP sa Metro Manila matapos alisin ang temporary restraining order ng Supreme Court.

Karaniwang sakop ng NCAP ang mga pangunahing radial at circumferential roads gaya ng Commonwealth Avenue, Marcos Highway, C-5 at EDSA. Gayunman, hindi pa malinaw kung aling mga kalsada ang kasama sa pinalawak na pagpapatupad simula Oktubre 5.

Ayon sa anunsyo, magiging standardized ang mga multa sa lahat ng LGU na sakop ng NCAP alinsunod sa Metro Manila Traffic Code of 2023.

Maaari ring tingnan, bayaran at iapela ng mga motorista ang kanilang mga traffic violation sa online portal ng kani-kanilang LGU.

Sakay ang MMDA official, dumaan sa busway, plaka fake, may blinker, wang-wang, etc... Drayber ni Torre, binawian ng lisensya

ni BRT @News | September 8, 2026

Photo:LTO

Pormal nang ni-revoke o binawi ng Land Transportation Office ang lisensya ng driver ni Metropolitan Manila Development Authority (MMDA) General Manager Nicolas Torre III na nahuling dumaan sa EDSA Busway.

Lumabas sa pagsusuri ng ahensya na sangkot ang driver sa ilan pang paglabag tulad ng paggamit ng plakang nakatalaga sa ibang sasakyan at pagkakabit ng ‘di awtorisadong kagamitan at marka.

Nananatiling naka-impound sa LTO Central Office ang nabanggit na sasakyan. 

Una nang inamin ni Torre na sakay siya ng SUV nang mangyari ang insidente at sinabi niyang siya ang may-ari ng sasakyan. 

Ayon sa mga ulat, isa itong armored vehicle na nabili niya sa halagang P3.5 milyon mula sa isang religious organization. Sinabi rin niyang binili niya ito sa marketplace.